દીકરીઓની કથળતી હાલત: અપહરણ બાદ ત્રણ યુવકોએ આચર્યુ દુષ્કર્મ

બનાસકાંઠાના વાવમાં યુવતી પર દુષ્કર્મની વધુ એક ઘટના સામે આવી છે. આ સમગ્ર મામલે પીડિત યુવતીએ ત્રણ યુવકો સામે અપહરણ કરીને દુષ્કર્મ કરવાની ફરિયાદ નોંધાઈ છે.

યુવકે તેના બે મિત્રોની મદદથી યુવતીનુ અપહરણ કર્યુ હતુ અને અલગ-અલગ રાજ્યોની હોટલોમાં લઈને યુવતી પર દુષ્કર્મ આચર્યુ હતુ. આ મામલે વાવ પોલીસ સ્ટેશનમાં પીડિતાએ ફરિયાદ નોંધાઈ છે. ત્યારે હવે પોલીસે પીડિતાની ફરિયાદ લઈને આગળની કાર્યવાહી હાથ ધરી છે.

ગઈકાલે અમદાવાદમાં અને કચ્છમાં પણ યુવતીઓની છેડતીની ફરિયાદ નોંધાઈ છે જ્યારે અહીં અનેક સેવાઓ ઉભા થાય છે. પ્રતિદિન બળાત્કારની એક-એક ઘટના સામે આવી રહી છે.

શું ગુજરાતમાં દીકરીઓ સલામત નથી? હવસના પુજારીઓ પોતાની આગને શાંત કરવા કોઈ માસુમને પીંખી નાખે તો તેમની સામે કાર્યવાહીમાં કેમ ઢીલ થઇ રહી છે? ક્યાં છે કાનૂન? ક્યાં છે તંત્ર? આવા અનેક સવાલોને લઇ સામાન્ય જનતામાં ભારે રોષ જોવા મળી રહ્યો છે.