તમારા કામનું / આવી સામાન્ય ભૂલોને કારણે મોબાઈલ થઈ જાય છે ખરાબ, આ રીતે ધ્યાન રાખવાથી વર્ષો સુધી નવા જેવો રહેશે સ્માર્ટફોન

• લોકો તેનો વધુ પડતો સમય મોબાઈલ પાછળ જ ખર્ચી રહ્યા છે
• મોબાઈલ લાંબો સમય ચાલે આ માટે કેટલીક સાવચેતી રાખવી પડશે
• મોબાઈલમાં વિસ્ફોટ થવાની સંભાવના વધી જાય છે

આજકાલ આપણે બધાને મોબાઈલ ચલાવવાની આદત છે. લોકો તેનો વધુ પડતો સમય મોબાઈલ પાછળ જ ખર્ચી રહ્યા છે અને મોબાઈલનો વધુ ઉપયોગ થવાને કારણે તે વધુ ઘસાવવા લાગે છે અને થોડા થોડા સમયે તેને બદલવાની જરૂર પડતી રહે છે. આ કારણે જો તમે ઈચ્છો છો કે તમારો મોબાઈલ લાંબો સમય ચાલે આ માટે તમારે કેટલીક સાવચેતી રાખવી પડશે. નહિંતર જો મોબાઈલ ખરાબ થઈ જાય તો તમારું ખિસ્સું ઢીલું થઈ શકે છે.

ઘણા લોકોને મોબાઈલનો ઉપયોગ કરવાનો એટલો શોખ કહો કે આદત હોય છે કે મોટાભાગે તમને તેમના હાથમાં મોબાઈલ જોવા મળે છે અને ઘણી વખત એવું પણ જોયું હશે કે લોકોને મોબાઈલ જોતાં જોતાં જ ઊંઘ આવી જાય છે. એવી સ્થિતિમાં મોબાઈલ ચાલતો રહે છે અને એ કારણે પ્રોસેસર અને બેટરી ખૂબ જ ઝડપથી ગરમ થઈ જાય છે. એવામાં મોબાઈલમાં વિસ્ફોટ થવાની સંભાવના વધી જાય છે.

આ સિવાય ઘણી વખત એવું પણ જોવા મળે છે કે લોકો પોતાના મોબાઈલને અલગ બીજા ફોનના ચાર્જરથી પણ ચાર્જ કરવા લાગે છે. આ વસ્તુ ભલે સામાન્ય લગતી હોય પણ તે ખોટું છે. તેના કારણે તમારા મોબાઈલની બેટરી ઝડપથી ખરાબ થવા લાગે છે.

ઘણા લોકો લેટેસ્ટ મોબાઈલ ચલાવે છે પણ એવા મોબાઈલ માટે સસ્તી એસેસરીઝ લે છે. આ કારણે મોબાઈલ હેંગ થવાની સમસ્યા શરૂ થઈ જાય છે. એટલા માટે સસ્તી એસેસરીઝ ન લેવી જોઈએ. 

જો તમે મોબાઈલમાં ગેમ રમવાના શોખીન છો તો એવી સ્થિતિમાં મોબાઈલની મેમરી પ્રમાણે ગેમ ડાઉનલોડ કરવી જોઈએ. હેવી ગેમથી મોબાઇલ પ્રોસેસર પર દબાણ પડે છે અને એ કારણે તમારો મોબાઈલ બગડી શકે છે.

ઘણા લોકો મોબાઈલને ચાર્જિંગ પર મૂકીને તેનો ઉપયોગ કરતા રહે છે અને એ કારણે મોબાઈલની બેટરી જલ્દી ખરાબ થવાની સંભાવના છે, જો મોબાઈલ વધુ ગરમ થાય તો તેમાં વિસ્ફોટ પણ થઈ શકે છે.