મેઘમહેર / રાજ્યના 205 જળાશયોમાં ગત વર્ષ કરતાં અઢી ગણું પાણીનો સંગ્રહ, ઉનાળાની ચિંતા પૂર્ણ

ગત વર્ષે 2.62 લાખ મિલિયન ક્યુબેક પાણી સંગ્રહ કરાયું હતું. આ વર્ષે ઉત્તર ગુજરાતનાં 25 જળાશયમાં 48 ટકા, મધ્ય ગુજરાતના જળાશયોમાં 95 ટકા, સાઉથ ગુજરાતના તમામ ડેમમાં 87 ટકા, સોરાષ્ટ્ર-કચ્છમાં જળશયોમાં 75 ટકા પાણીનો સંગ્રહ કરાયો છે.
 

ગુજરાતની જીવાદોરી નર્મદા ડેમમાં 91 ટકા પાણીનો સંગ્રહ  થયો છે. રાજ્યમાં 8 લાખ 90 હજાર MCM પાણીના જથ્થાની સંગ્રહ ક્ષમતા છે. ચાર વર્ષ બાદ જળાશયોમાં 85 ટકા પાણીનો સંગ્રહ થયો છે. રાજ્યમાં 74 મોટા અને મધ્યમ ડેમ કક્ષાના ઓવર ફ્લો થયા છે.

રાજ્યના 38 મોટા-મધ્યમ ડેમ 90 ટકાથી વધારે ભરાયા છે. 26 મધ્યમ ડેમમાં 60 ટકાથી વધારે પાણીનો જથ્થો છે. સારો વરસાદ થતાં પાણીનું સંગ્રહ થતા રાજ્યમાંથી પાણીની સમસ્યા હલ થઈ છે.

 

રાજ્યમાં પડેલા અવિરત વરસાદના પગલે મોટા ભાગના ડેમો પાણી-પાણી થઇ ગયા છે. જેમાં 2018ની સરખામણીએ રાજ્યમાં અઢી ગણો પાણીનો સંગ્રહ જોવા મળી રહ્યો છે.

જેમાં રાજ્યના જીવા દોરી સમાન નર્મદા ડેમમાં 91 ટકા પાણીનો સંગ્રહ થયો છે. આમ રાજ્યમાં ચાર વર્ષ બાદ જળાશયોમાં 85 ટકા પાણીનો સંગ્રહ જોવા મળ્યો છે. આમ રાજ્યમાં પડેલા શ્રીકાર વરસાદના પગલે પાણીની સમસ્યા હલ થઇ ગયેલી જોવા મળી છે. 

રાજ્યભરના ડેમોની ટકાવારી પ્રમાણે પરિસ્થિતિ
જેમાં ઉત્તર ગુજરાતની વાત કરીએ તો 25 જળાશયોમાં 48 ટકા પાણીનો સંગ્રહ જોવા મળ્યો છે. જ્યારે મધ્ય ગુજરાતમાં 95 ટકા જળાશય ઓવર ફલો થયા છે. જ્યારે દક્ષિણ ગુજરાતના તમામ ડેમમાં 87 ટકા પાણીનો સંગ્રહ થયો છે. જ્યારે સૌરાષ્ટ્ર-કચ્છમાં 75 ટકા જળાશયોમાં પાણીનો સંગ્રહ થયો છે.