કોરોનાનું સંક્રમણ વધતા રાજ્યની વિવિધ શાળા અને કોલેજોએ લીધા સ્વેચ્છિક નિર્ણયો. ક્યાંક શાળા કોલેજોમાં ઓફલાઇન શિક્ષણકાર્ય બંધ તો ક્યાંક વિદ્યાર્થીઓ કોરોના સંક્રમિત
રાજ્યમાં વકર્યો કોરોના
વાલીઓની ઓનલાઇન વર્ગો શરૂ કરવા માગ
રાજ્ય સરકાર ક્યારે લેશે નિર્ણય ?
રાજ્યમાં કોરોનાના કેસ વધતા લોકોમાં ફફડાટ જોવા મળી રહ્યો છે. વધી રહેલા કેસને પગલે સરકારે મોટા ત્રણ કાર્યક્રમો રદ કરી નાંખ્યા છે પરંતુ શૈક્ષણિક કામકાજને લઇને કોઇ નિર્ણય લીધો નથી. શાળા અને કોલેજોમાં કોરોનાના કેસ જોવા મળી રહ્યા છે . વિદ્યાર્થીઓ કોરોના સંક્રમિત થઇ રહ્યા છે તેવામાં વાલીઓની બસ એક જ માગ છે કે શિક્ષણકાર્ય ઓનલાઇન શરૂ કરવામાં આવે. રાજ્યમાં મોટાભાગના જિલ્લાઓમાં વિદ્યાર્થી કોરોના સંક્રમિત થયા છે. અને હજી પણ આ સિલસિલો યથાવત જોવા મળી રહ્યો છે. જેથી હવે કેટલીક શૈક્ષણિક સંસ્થાઓએ સ્વૈચ્છીક નિર્ણયો લીધા છે. અમદાવાદમાં અંદાજિત 30 શાળાઓએ ઓફલાઇન શિક્ષણ બંધ કરી દીધુ છે. તો અન્ય જિલ્લાઓમાં પણ આવી સ્થિતિ જોવા મળી રહી છે.
અમદાવાદની આ શાળામાં ઓફલાઇન શિક્ષણ બંધ
DAV ઇન્ટરનેશનલ સ્કૂલ
આર.એચ.કાપડિયા
નવચેતન
સહજાનંદ શાળા
કોલેજ ઓનલાઇન શરુ કરવા માગ
ગુજરાત યુનિવર્સિટી શૈક્ષિક સંઘ બાદ એસોસિએશન ઓફ ગુજરાત એન્જિનિયરીગ અને ટેકનોલોજી ડિપ્લોમાં કોલેજે જાન્યુઆરીમાં યોજાનારી પરીક્ષા મોકૂફ રાખવાની માગ કરી છે. તેઓએ GTU અને શિક્ષણમંત્રીને પત્ર લખીને જણાવ્યુ કે રાજ્યમાં કોરોનાના કેસ વધી રહ્યા છે. જેને કારણે જાન્યુઆરીમાં યોજાનારી પરીક્ષા મોકૂફ કરવામાં આવે તેમજ કોલેજો પણ ઓનલાઇન શરૂ કરવાની માગ કરી છે.
સુરતમાં વિદ્યાર્થીઓમાં કોરોના સંક્રમણ વધ્યું
સુરતમાં કોરોનાના કેસ 1 હજારને પાર પહોંચ્યા છે. તેમાં પણ હવે વિદ્યાર્થીઓને કોરોનાનું સંક્રમણ વધતા વાલીઓમાં ચિંતા જોવા મળી રહી છે. સુરતમાં છેલ્લા એક અઠવાડિયામાં 200 વિદ્યાર્થીઓ કોરોના સંક્રમિત થયા છે. જ્યારે 6 જાન્યુઆરીએ 94 વિદ્યાર્થીઓ સંક્રમિત થયા હતા.વિદ્યાર્થીઓ સંક્રમિત થતા વાલીઓએ ધો.1થી 5ના વર્ગો ઓફલાઇન બંધ કરીને ઓનલાઇન શરૂ કરવા માગ કરી છે.
વડોદરામાં ઓફલાઇન વર્ગો બંધ કરવા માગ
રાજ્યમાં કોરોનાના કેસ વધતા હવે વાલીઓમાં ચિંતા જોવા મળી રહી છે કે બાળકને ભણાવવુ કેવી રીતે. શાળાઓ શરૂ તો છે પરંતુ આવી સ્થિતિમાં બાળકોને શાળાએ મોકલવા જોખમી છે. જો કે સરકાર દ્વારા આ મામલે કોઇ ચોક્કસ નિર્ણય લેવામાં આવ્યો નથી પરંતુ વડોદરામાં વાલીઓએ માગ કરી છે સરકાર શાળા મુદ્દે કોઇ નિર્ણય લે. વાલીઓની માગ છે કે ઓફલાઇન ક્લાસ બંધ કરીને ઓનલાઇન વર્ગો શરૂ કરવામાં આવે.
વડોદરાની આ શાળામાં ઓફલાઇન વર્ગો બંધ
ઉન્નતિ વિધ્યાલય,અકોટા
ડી આર અમીન સ્કૂલ,વાસણા
પ્રિન્સ અશોકા રાજે સ્કૂલ,માંજલપુર
એમઈએસ સ્કૂલ,સમા વિસ્તાર
બિગબ્યોર પ્રાયમરી સ્કૂલ, ભાયલી
ભવન્સ સ્કૂલ,મકરપુરા
ઉર્મી સ્કૂલ,સમા
કેળવણી સ્કુલ,અકોટા
નવરચના ઇન્ટરનેશનલ સ્કૂલ
નવરચના સ્કૂલ, સમા
નવરચના વિદ્યા સ્કૂલ, સમા
નાલંદા ઇન્ટરનેશનલ. સેવાસી
પોદાર વર્લ્ડસ્કૂલ, સમા
પોદાર સ્કૂલ, શેરખી
પોદાર સ્કૂલ, માણેજા
કોન્વેન્ટ સ્કૂલ
બ્રાઇટ સ્કૂલ , વાસણા
સંત કબીર સ્કૂલ. વાસણા
જામનગરમાં 3 વિદ્યાર્થીઓને કોરોના
રાજ્યમાં વધી રહેલા કોરોનાના કેસ જોતા લાગી રહ્યુ છે કે કોરોનાની ત્રીજી લહેર શરૂ થઇ ગઇછે. આ લહેરમાં બાળકો પણ કોરોનાની ચપેટમાં આવી રહ્યા છે ત્યારે જામનગરમાં વધુ 3 વિદ્યાર્થીઓ કોરોના પોઝિટીવ આવ્યા છે. અલિયાબાડા નવોદય વિદ્યાલયના 3 વિદ્યાર્થીઓેનો કોરોના પોઝિટીવ આવ્યો છે. હાલમાં શાળા દ્વારા સંપર્કમાં આવેલા અન્ય વિદ્યાર્થીઓ તથા સ્ટાફનો કોરોના ટેસ્ટ કરાવવામાં આવશે.