મુંબઈમાં હત્યા અંગેની ચોંકાવનારી ઘટના સામે આવી છે જેમાં 24 વર્ષની રિમ્પલ જેને ચાર મહિના અગાઉ તેની 55 વર્ષની માતાને મોતને ઘાટ ઉતારી દેતા અરેરાટી મચી જવા પામી હતી. નિર્દયી પુત્રીએ મૃતદેહના ટુકડા કરી નાખ્યા હતા. બાદમાં ધડ અને માથાને અલગ કરી અને પ્લાસ્ટિકમાં પેક કરી દીધા હતા અને અલમારીમાં મૂક્યા બાદ હાથ અને પગને સ્ટીલની ટાંકીમાં ભરી મુકિ દીધા હતા. વાસનાં આવે એ માટે 200 પરફ્યુમની બોટલ વાપરી હોવાનું સામે આવ્યું છે આ સનસનાટી મચાવતી ઘટનાને પગલે ડીસીપી પ્રવીણ મૂંડેએ કહ્યું કે આરોપી રિમ્પલની ધરપકડ કરી લીધી છે. જ્યારે હત્યામાં ઉપયોગમાં લેવાયેલ મર્બલ કટર, કોઇતા અને સુડી સહિતની વસ્તુઓ કબજે કરવામાં આવી છે.
શંકા જતા હાથ ધરાઈ તપાસ
આ મામલે પોલીસે સૂત્રોમાંથી જાણવા મળતી વિગત અનુસાર આરોપી રિમ્પલના બે બોયફ્રેન્ડ હતા આ બાબતે તેની માતા સાથે તેણીને અવારનવાર માથાકૂટ થતી હતી. ત્યારબાદ રીમ્પલે તેની માતાની આ ઝઘડામાં જ હત્યા કરી નાખી હોવાનું સામે આવ્યું છે. આ મામલે શંકા જતા કાલાચોકી પોલીસ મથકમાં ફરિયાદ દાખલ કરવામાં આવી હતી.
તપાસમાં સમગ્ર ભાંડો ફૂટ્યો
ફરિયાદને આધારે પોલીસે હત્યાનો ભેદ ઉકેલ કાઢવા રીમ્પલના ચોલનુંમાના ઘરે તપાસ હાથ ધરી હતી. આ દરમિયાન ઘરમાંથી દુર્ગંધ આવતા પોલીસની શંકા પ્રબળ બની હતી અને તપાસ દરમિયાન અલગ અલગ જગ્યાએથી લાશના ટુકડા મળી આવ્યા હતા. આ દરમિયાન રીમ્પલે પોતાની આ લાસ કોની છે તે અંગે ખબર ન હોવાનું કહી ઢાંકપીછડો કર્યો હતો પરંતુ તેના ભાઈએ લાશને ઓળખી બતાવતા સમગ્ર ભાંડો ફૂટ્યો હતો. ત્યારબાદ પોલીસે રીમ્પલની પૂછપરછ કરી અને હત્યા પ્રકરણમાં તેના બોયફ્રેન્ડ મદદગારી કરી છે કે કેમ તે દિશામાં તપાસના ચક્રો ગતિમાન કર્યા છે. હાલ શંકાસ્પદ બોયફ્રેડની તપાસ ચાલી રહી છે.