દુષ્કાળના ડાકલા / ગુજરાતમાં 46% વરસાદી ઘટને લીધે અનેક ડેમ તળિયાઝાટક, જુઓ કયા તાલુકામાં વરસાદી અછતના એંધાણ

• રાજ્યમાં સર્જાઇ શકે છે વરસાદની અછત
• 46 ટકા વરસાદની ઘટ, 36.39 ટકા જ વરસાદ થયો વરસાદ
• 15 જિલ્લામાં 50 ટકાથી પણ વધારે વરસાદની ઘટ

રાજ્યમાં વરસાદની અછત સર્જાઇ શકે છે. મોન્સૂન ઓડિટ રિપોર્ટ મુજબ રાજ્યમાં અત્યાર સુધી 36.30 ટકા વરસાદ થયો છે. ગત વર્ષે 11 ઓગસ્ટ સુધી રાજ્યમાં 58 ટકા વરસાદ થયો હતો. ગત વર્ષની સરખામણીએ 22 ટકા ઓછો વરસાદ છે. અત્યારસુધી રાજ્યમાં 19 ઇંચ વરસાદ થવો જોઈતો હતો, જેને બદલે માત્ર 10 ઇંચ થયો છે, જે 46 ટકાની ઘટ દર્શાવે છે. રાજ્યમાં તમામ 33 જિલ્લામાં સરેરાશથી ઓછો વરસાદ છે. 15 જિલ્લામાં 50 ટકાથી પણ વધારે વરસાદની ઘટ છે. રાજ્યના બે તાલુકા લાખણી અને થરાદમાં બે ઇંચથી પણ ઓછો વરસાદ છે. રાજ્યના 25 તાલુકામાં 5 ઇંચથી ઓછો વરસાદ છે. માત્ર 4 તાલુકામાં 40 ઇંચથી વધારે વરસાદ છે, જેમાં નવસારીમાં ખેરગામ, વલસાડમાં ધરમપુર, કપરાડા અને વાપી તાલુકાઓ છે. 

વરસાદી ઘટથી આફત

ગાંધીનગરમાં 64 ટકા, અરવલ્લીમાં 63 ટકા, સુરેન્દ્રનગરમાં 59 ટકા, તાપીમાં સરેરાશથી 56 ટકા, દાહોદ અને ગીર-સોમનાથ જિલ્લામાં 55 ટકા વરસાદની ઘટ છે. ગુજરાતના 207 જળાશયમાંથી માત્ર 5 જળાશય 100 ટકા ભરેલાં છે. હાલમાં કુલ જળસંગ્રહ 47.54 ટકા છે. સરદાર સરોવર ડેમમાં 46.60 ટકા છે. ઉત્તર ગુજરાતમાં 24.38 ટકા, મધ્યમાં 43.74 ટકા, દક્ષિણમાં 57.82 ટકા, કચ્છમાં 22.69 ટકા, સૌરાષ્ટ્રમાં 40.52 ટકા પાણીનો સંગ્રહ છે. માત્ર 25 ડેમોમાં જ 70 ટકાથી વધુ પાણી છે. 95 જળાશયમાં 25 ટકાથી પણ ઓછું પાણી છે.

કયા ઝોનમાં કેટલો વરસાદ?

કયા તાલુકામાં વરસાદની ઘટ?

કયા ઝોનમાં ડેમ કેટલા ભરાયા?