પશુપાલકો આનંદો / દૂધસાગર ડેરીનું ગજબ સંશોધન, પશુ હવે માત્ર માદા બચ્ચાઓને જ આપશે જન્મ

• દૂધસાગર ડેરીની મોટી ઉપલબ્ધિ ડેરીએ વિકસાવ્યું પશુનું સિમેન
• આ સિમેનથી પશુ ફિમેલ બચ્ચાને આપશે જન્મ
• દૂધ ઉત્પાદનમાં પણ નોંધપાત્ર વધારો થશે

સંશોધન ક્ષેત્રે હવે ભારત ખુબ આગળ વધી રહ્યું છે.. આ દીશામાં હવે આપણી દૂધ ઉત્પાદક સંસ્થાઓ પણ પાછળ નથી.. કારણ કે, અત્યાર સુધી ઘાસ ચારો.. અને દૂધમાંથી બનતી આઈટમ્સ પર તો અનેક સંશોધનો થતાં હતા.. પરંતુ હવે દૂધસાગર ડેરીએ પશુઓના બિજદાન ક્ષેત્રમાં ખુબ મોટું સંશોધન કર્યું છે.. જેમાં એવું સિમેન વિકસાવ્યું છે જેનાથી ફક્ત માદા જ જન્મ લેશે.. તેમજ દૂધ ઉત્પાદનમાં પણ નોંધપાત્ર વધારો થશે. પશુપાલકોની આર્થિક સ્થિતિ સુધારવા કરેલા આ સંસોધનમાં મોટી સફળતા મળી છે. જેમાં દૂધ સાગર ડેરીએ પશુનું સિમેન વિકસાવ્યું છે. ત્યારે જોઈએ કે આવું કેવી રીતે શક્ય છે.. અને આ સંશોધનથી પશુપાલકોને કેવી રીતે થશે ફાયદો જુઓ નીચેનો અહેવાલ

પશુપાલકોને રાહત દરે આપશે સિમેન
આ સિમેન મહેસાણાના પશુપાલકોને 50 રૂપિયામાં મળશે જ્યારે મહેસાણા જિલ્લા બહારના પશુપાલકોને 400 રૂપિયામાં સિમેન મળશે. મહેસાણા ડેરીની આ શોધથી ગુજરાત મિલ્ક માર્કેટિંગ પણ પ્રભાવિત થયું છે. અને મહેસાણા ડેરીને 1 લાખથી વધુ સિમેનનો ડોઝનો ઓર્ડર આપી દેવામાં આવ્યો છે. દૂધસાગર ડેર પ્રતિ ડોઝ સિમેન ફેડરેશનને 840 રૂપિયે વેચશે. ગુજરાતના પશુપાલકો માટે આ સંશોધન સંજીવની સાબિત થશે કારણ કે આ સિમેનથી નર નહીં ફક્ત માદા બચ્ચાંનો જ જન્મ થશે ઉપરાંત દૂધની આવકમાં મોટો વધારો થશે તેમજ ડેરી દ્વારા પશુપાલકોને આ સિમેન આપવામાં પણ મોટી રાહત અપાઈ નજીવો દર રાખવામાં આવ્યો છે.