લક્ઝરી સુપરબાઈક બનાવતી ઈટલીની કંપની Ducatiએ ભારતમાં Panigale V2 બાઈક લોન્ચ કરી દીધી છે. આ સુપર બાઇકની એક્સ શોરૂમ કિંમત 16.99 લાખ રૂપિયા છે. Ducati મુજબ, આ મોટરસાયકલમાં રેસ, સ્પોર્ટ અને સ્ટ્રીટ આ 3 રાઇડિંગ આપવામાં આવ્યા છે અને બાઇકચાલક હેન્ડલમાં આપેલાં સ્વિચગેયરનો ઉપયોગ કરતા તેમાંથી કોઈ એક મોડ પસંદ કરી શકે છે. દરેક રાઈડિંગ મોડની સેટિંગ્સને નવા 4.3 ઈંચ TFT ઈન્સ્ટ્રૂમેન્ટ કન્સોલ દ્વારા એડજસ્ટ કરી શકાય છે.
આ સુપરબાઇકનું બુકિંગ શરૂ થઈ ચૂક્યું છે
Ducati 959 Panigaleની તુલનામાં Panigale V2 લગભગ 1.70 લાખ રૂપિયા મોંઘી છે. 959 Panigale જ્યારે વેચાણ માટે ઉપલબ્ધ હતી, ત્યારે આની કિંમત 14.74 લાખ રૂપિયા હતી. આ એન્જિન 155 પીએસ પાવર અને 104 એનએમનું પીક ટોર્ક જનરેટ કરે છે. Ducatiએ આ વર્ષે તેની આ પહેલી બીએસ6 એન્જિન સાથે બાઈક લોન્ચ કરી છે. બાઈકમાં સ્લિપર ક્લચની સાથે 6 સ્પીડ ગિયરબોક્સ આપવામાં આવ્યું છે અને તેમાં સ્ટાન્ડર્ડ તરીકે બાય-ડાયરેક્શનલ ક્વિકશિફ્ટર છે. 1 લાખ રૂપિયા શરૂઆતી પેમેન્ટ પર Ducatiએ અગાઉ જ આ બાઈકની બુકિંગ શરૂ કરી દીધી છે.
Panigale V4થી ઈન્સ્પાયર્ડ છે બાઈકની ડિઝાઈન
Ducati Panigale V2ની ડિઝાઈન Panigale V4થી ઈન્સ્પાયર્ડ છે. જેમાં LED DRLની સાથે ટ્વિન LED હેડલેમ્પ, બે મોટા એર ઈનટેક્સ, એક ટોલ અને સિગ્નેચર 5 સ્પોક એલોય વીલ્સ આપવામાં આવ્યા છે. દુનિયાભરમાં Panigale Ducati રેડ અને રેડ એક્સેન્ટ્સની સાથે વાઈટ રોસો એમ 2 કલરમાં ઉપલબ્ધ છે.
Ducati Panigale V2 માં TFT ઈન્સ્ટ્રૂમેન્ટ કંસોલ અને બીજા ઈલેક્ટ્રોનિક ફીચર્સ આપવામાં આવ્યા છે. Ducatiની સુપરબાઈકમાં અપડેટેટ સસ્પેન્શન સેટઅપ આપવામાં આવ્યું છે. જેમાં ફ્રંટમાં ફુલી એડજસ્ટેબલ 43mm Showa Big પિસ્ટન ફોર્ક અને રિયરમાં ફુલી એડજસ્ટેબલ સાઈડ માઉન્ટેડ Sachs મોનોશોક સામેલ છે.