નવું લોન્ચ / બાઈકના ચાહકો માટે ગૂડ ન્યૂઝ, DUCATIએ લોન્ચ કરી શાનદાર ફિચર્સવાળી બાઈક, જાણો શું છે કિંમત

• ડુકાટીની નવી ફ્લેગશિપ સુપરબાઇક લોન્ચ
• Panigale V4, V4 S અને V4SP2
• 26 લાખથી લઈને 41 લાખ સુધીના ભાવ

ડુકાટી ઇન્ડિયાએ તેની ફ્લેગશિપ સુપરબાઇક રેન્જ પૈનિગેલ વી4 (Panigale V4)ના 2022 વેરિયન્ટને ભારતમાં લોન્ચ કરી છે. આ ત્રણ મોટરસાઇકલ V4, V4 S અને V4 SP2 છે. V4ની કિંમત 26.49 લાખ રૂપિયા, V4 Sની કિંમત 31.99 લાખ રૂપિયા અને V4 SP2 ની કિંમત 40.99 લાખ રૂપિયા છે. તમામ કિંમતો એક્સ-શોરૂમની છે.

એરોડાયનેમિક્સ અને એન્જિનમાં બદલાવ
પૈનિગેલની પાછલી પેઢી જેવી દેખાતી હોવા છતાં, ડુકાટીએ ઘણા મિકેનિકલ અપગ્રેડ કર્યા છે. ઉત્પાદકે એર્ગોનોમિક્સ, એરોડાયનેમિક્સ, એન્જિન અને ઇલેક્ટ્રોનિક્સમાં ફેરફાર કર્યા છે. ફેરિંગ પરના વિંગલેટ્સ હવે વધુ કોમ્પેક્ટ અને પાતળા છે. તેઓ 300 કિમી પ્રતિ કલાકની ઝડપે 37 કિલો ડાઉનફોર્સ આપવામાં સક્ષમ છે.

નવી ક્લચ સિસ્ટમ
બાઈકનું વજન ઘટાડવા માટે ટાયર હવે માર્ચેસિની જાળી એલ્યુમિનિયમથી બનાવવામાં આવી છે. આ સિવાય ફ્રન્ટ ફેન્ડર, વિંગ્સ અને હીલ ગાર્ડ જેવા અનેક તત્વો કાર્બન ફાઇબરથી બનેલા છે. તેમાં નવી ક્લચ સિસ્ટમ પણ છે, ડુકાટી તેને STM-EVO SBK નવ-ડિસ્ક ડ્રાય ક્લચ કહે છે.

6-સ્પીડ ગિયરબોક્સ
આ બાઇકમાં 1,103cc V4-સિલિન્ડર, લિક્વિડ-કૂલ્ડ, ડેસ્મોસેડિસી સ્ટ્રાડેલ એન્જિન આપવામાં આવ્યું છે. તે 13,000 આરપીએમ પર 212.5 બીએચપીનું મહત્તમ પાવર આઉટપુટ અને 9,500 આરપીએમ પર 123.6 એનએમનો પીક ટોર્ક ઉત્પન્ન કરે છે. તે 6-સ્પીડ ગિયરબોક્સ સાથે આવે છે.

બાઇકમાં 4 રાઇડિંગ મોડ
બાઇકમાં 4 રાઇડિંગ મોડ આપવામાં આવ્યા છે, તેમાં લો, મીડિયમ, હાઇ અને ફુલનો ઓપ્શન આપવામાં આવ્યો છે. રાઇડિંગ મોડ્સ મોટરસાઇકલના ઘણા પેરામીટરને બદલી નાખે છે. ડુકાટી હોવાને કારણે ઓટો ટાયર કેલિબ્રેશન, વ્હીલી કન્ટ્રોલ, સ્લાઇડ કન્ટ્રોલ, પાવર લોન્ચ, ટ્રેક્શન કન્ટ્રોલ, બોશ કોર્નરિંગ એબીએસ અને એિન્જન બ્રેક કન્ટ્રોલ જેવા ઇલેક્ટ્રોનિક ઉપકરણો છે. 

લુક હજુ પણ જુના બાઈક જેવો
બાઇકમાં કોઇ મોટો કોસ્મેટિક ચેન્જ નથી. મોટરસાઇકલમાં હજુ પણ મસ્ક્યુલર ફ્યૂઅલ ટેન્ક, એલઇડી ડીઆરએલ સાથે ટ્વીન-પોડ એલઇડી હેડલેમ્પ્સ, સિંગલ-સાઇડેડ સ્વિંગઆર્મ્સ અને અંડરબેલી એક્ઝોસ્ટ આપવામાં આવ્યું છે.

PHOTO: DUCATI