નવાં કાશ્મીરનાં કેસર, સફરજન, મસાલા તેમજ અન્ય ઉત્પાદનો હવે દુનિયાભરમાં ધૂમ મચાવશે. દુબઇનું લુલુ ગ્રૂપ કાશ્મીરી ઉત્પાદનોને પ્રોત્સાહન આપવા માટે આગળ આવ્યું છે. આ ગ્રૂપ ખેડૂતો પાસેથી ઉત્પાદનોની સીધી ખરીદી કરી રહ્યું છે.
કેસર, સફરજન અને અન્ય ઉત્પાદનો દુનામાં ધૂમ મચાવશે
વિદેશી કંપની લુલુ ખેડૂતો પાસેથી કરશે સીધી ખરીદી
લુલુની અરબ દેશોમાં જબરદસ્ત પહોંચ
દુબઈની કંપનીએ 200 મેટ્રીક ટન સફરજન ખરીદ્યા
વિદેશી કંપનીઓએ ઘાટીમાં ખેડૂતો પાસેથી સીધી ખરીદી કરવાનું શરૂ કરી દીધું છે. તેની શરૂઆત દુબઇ સ્થિત લુલુ કંપનીએ કરી છે. તેણે ઘાટીમાંથી 200 મેટ્રીક ટન સફરજન ખરીદ્યા છે. કાશ્મીરી કેસર અને કાશ્મીરી મસાલાઓને પણ આ ગ્રૂપ આયાત કરશે.
લુલુ ગ્રૂપે ઘાટીમાં ફૂડ પ્રોસેસિંગમાં રોકાણ કરવામાં રસ દાખવ્યો
લુલુની અરબ દેશોમાં જબરદસ્ત પહોંચ છે. તે દુબઇ, ઓમાન, સાઉદી અરબ અને મધ્ય પૂર્વના વિવિધ દેશોમાં ૧૮૦ હાઇપર માર્કેટ અને શોપિંગ મોલના માલિક છે. સમૂહના માલિક યુસુફઅલી એમ.એ. છે. ગ્રૂપના વરિષ્ઠ અધિકારીઓની ટીમે આ જ મહિનાની શરૂઆતમાં કાશ્મીરની મુલાકાત લીધી હતી. રાજ્ય પ્રશાસનના એક વરિષ્ઠ અધિકારીએ જણાવ્યું કે લુલુ ગ્રૂપે ઘાટીમાં કૃષિ અને બાગબાની ઉત્પાદનોની ખરીદી અને ફૂડ પ્રોસેસિંગમાં રોકાણ કરવામાં રસ દાખવ્યો છે. આ ગ્રૂપ કાશ્મીરી કેસર પણ ખરીદી રહ્યું છે. કાશ્મીરમાં ઉત્પન્ન થતા ચોખા, કાળુ જીરૂ, મધ અને કેટલીક વિશેષ જડીબુટ્ટીઓ પણ તે ખરીદશે. આ ગ્રૂપ ખૂબ જ જલદી ઘાટીમાં પોતાનું લોજિસ્ટિક હબ સ્થાપિત કરવા જઇ રહ્યું છે.
આ ગ્રૂપ સ્થાનિક સ્તર લગભગ 400 લોકોને પ્રત્યક્ષ રોજગારી પૂરી પાડશે
જો બધું અનુકૂળ રહ્યું તો આ ગ્રૂપ સ્થાનિક સ્તર લગભગ 400 લોકોને પ્રત્યક્ષ રોજગારી પૂરી પાડશે. આ મહિનાની શરૂઆતમાં રાજ્યની મુલાકાતે આવેલા લુલુ ગ્રૂપના સમૂહે કૃષિ અને વાણિજ્ય ઉદ્યોગના અધિકારીઓ સાથે અલગ બેઠક કરવા ઉપરાંત કાશ્મીરના પ્રમુખ ઔદ્યોગિક એકમો કમ્બલ સ્પાઇસ, હર્બ હેવન, ફ્રૂટ માસ્ટર, શાલીમાર કાર્પેટ અને અન્ય પ્રમોટરો અને સંચાલકો સાથે મુલાકાત કરી હતી.