મોટા સમાચાર / આતંકીઓને જડબાતોડ જવાબ, કાશ્મીરમાં વિકાસ માટે આ દેશે ભારત સાથે કરી મોટી ડીલ

• દુબઈ સરકાર અને જમ્મુ કાશ્મીર સરકારે સમજૂતિ કરી
• આ ક્ષેત્રમાં કોઈ વિદેશી સરકાર તરફથી પહેલી રોકાણ સમજૂતિ છે
• જમ્મુ કાશ્મીરની વિકાસ યાત્રા માટે એક મહત્વપૂર્ણ દિવસ - મનોજ સિંહા 

દુબઈ સરકાર અને જમ્મુ કાશ્મીર સરકારે સમજૂતિ કરી

જમ્મુ કાશ્મીર પ્રશાસને દુબઈની સાથે એક મહત્વની સમજૂતિ પર સહી કરી છે. જમ્મુ કાશ્મીરના ઉપરાજ્યપાલ મનોજ સિંહાએ કહ્યું કે દુબઈ સરકાર અને જમ્મુ કાશ્મીર સરકારે સમજૂતિ કરી છે. જે કેન્દ્ર શાસિત પ્રદેશને ઔદ્યોગિકીરણ અને સતત વિકાસમાં નવી ઉંચાઈઓને આંબવામાં મદદ કરશે. આ સમજૂતિ એવા સમયે થઈ છે જ્યારે ઘાટીમાં આતંકીઓએ નિર્દોષ નાગરિકો, ખાસ કરીને બિન મુસ્લિમને નિશાન બનાવવાનું શરુ કર્યુ છે.

Government of Dubai and the Government of Jammu Kashmir have entered into an agreement,which will help the Union Territory to scale new height in Industrialization sustainable growth. Today is an important day for the developmental journey of the UT of Jammu Kashmir. pic.twitter.com/BPWFKMCtGY

— Office of LG J&K (@OfficeOfLGJandK) October 18, 2021

આ ક્ષેત્રમાં કોઈ વિદેશી સરકાર તરફથી પહેલી રોકાણ સમજૂતિ છે

દુબઈ તરફથી જમ્મુ કાશ્મીર પ્રશાસનની સાથે આ સમજૂતિ આ ક્ષેત્રમાં કોઈ વિદેશી સરકાર તરફથી પહેલી રોકાણ સમજૂતિ છે.  સરકારનું કહેવું છે કે દુબઈમાં સમજૂતિમાં ઔદ્યોગિક પાર્ક, આઈટી ટાવર, બહું ઉદ્દેશીય ટાવર, રસદ કેન્દ્ર, એક મેડિકલ કોલેજ અને એક સ્પેશિયાલિટી હોસ્પિટલ સહિત પાયાગત માળખાનું નિર્માણ થશે.

જમ્મુ કાશ્મીરની વિકાસ યાત્રા માટે એક મહત્વપૂર્ણ દિવસ - મનોજ સિંહા 

કરારને લઈને ઉપરાજ્યાલ મનોજ સિંહાએ મીડિયા સાથે વાતચીતમાં કહ્યું કે આજે કેન્દ્ર શાસિત પ્રદેશ જમ્મુ કાશ્મીરની વિકાસ યાત્રા માટે એક મહત્વપૂર્ણ દિવસ છે. જમ્મુ કાશ્મીરના અભૂતપૂર્વ વિકાસ માટે પીએમ નરેન્દ્ર મોદી અને ગૃહ મંત્રી અમિત શાહનો આભાર માન્યો. આ સમજૂતિ આત્મનિર્ભર જમ્મુ કાશ્મીર બનવાની અમારી પ્રતિબદ્ધતાની પુષ્ટિ કરે છે.

દુનિયાએ તે ગતિને ઓળખવાનું શરુ કરી દીધું છે

એક નિવેદનમાં કહ્યું તે દુનિયાએ તે ગતિને ઓળખવાનું શરુ કરી દીધું છે. જમ્મુ કાશ્મીર વિકાસની રાહ પર ચાલી રહ્યું છે. નિવેદનમાં કહેવામાં આવ્યું છે કે દુબઈની વિભિન્ન સંસ્થાઓએ કાશ્મીરમાં રોકાણમાં રસ દાખવ્યો છે. ઉલ્લેખનીય છે કે કેટલાક દિવસોથી ઘાટીમાં આતંકીઓ માટે અનેક બિન કાશ્મીરી લોકોને નિશાન બનાવ્યા છે.