AI પ્લેન ક્રેશ / લેન્ડિંગ સમયે પ્લેન લપસતા 30 ફૂટ ઉંડી ખીણમાં ખાબક્યું, થયા 2 ટુકડાં, જુઓ Photos

• કેરળમાં એર ઇન્ડિયાનું વિમાન રનવે પરથી લપસ્યું
• દુબઇથી આવતું હતું એર ઇન્ડિયાનું વિમાન
• વિમાનના ક્રેશ લેન્ડિંગમાં મોટી જાનહાનિ

કેરળના કોઝિકોડ એરપોર્ટ પર શુક્રવાર સાંજે એર ઇન્ડિયાનું વિમાન દુર્ઘટનાગ્રસ્ત થયું હતું. કોઝિકોડના ઇન્ટરનેશનલ એરપોર્ટ પર દુબઈથી આવી રહેલું વિમાન લપસ્યું હતું. આ વિમાનમાં કુલ 191 લોકો સવાર હતા.

સાંજે 7:45 વાગ્યા આસપાસ બની દુર્ઘટના

રિપોર્ટ્સ અનુસાર, કોઝિકોડ ઇન્ટરનેશનલ એરપોર્ટ પર સાંજે 7:45 વાગ્યા આસપાસ આ વિમાનનું ક્રેશ લેન્ડિંગ થયું હતું. ભારે વરસાદના કારણે રનવે પર પાણી ભરાયા હતા, જેના કારણે પ્લેન રનવેથી આગળ નિકળી અને લગભગ 30 ફૂટ ઉંડી ખીણમાં ખાબક્યું. પ્લેન બહુ ખરાબ રીતે ક્ષતિગ્રસ્ત થઇ ગયું અને પ્લેનના બે ભાગ થઇ ગયા છે.
 

દુબઈથી આવી રહ્યું હતું વિમાન

દુર્ઘટનાગ્રસ્ત થયેલું વિમાન IX1344 દુબઈથી સાંજે 4 વાગ્યેને 45 મિનિટે ઉડ્યું હતું. વંદે ભારત મિશન હેઠળ પ્લેન દુબઇથી ભારત આવ્યું હતું.
 

દુર્ઘટનામાં પાયલોટનું મોત

દુર્ઘટનાગ્રસ્ત બનેલા આ વિમાનમાં 174 મુસાફર, 10 બાળકો, 2 પાયલોટ અને 5 ક્રૂ મેમ્બસ સવાર હતા. દુર્ઘટનામાં પ્લેનના પાયલોટનું મોત થયું છે. તો સાથે 10થી વધુ મુસાફરોના પણ મોત થયા છે.
 

એરપોર્ટ પર NDRFની ટીમોને મોકલવામાં આવી, તો ફાયર બ્રિગેડની ગાડીઓ પણ ઘટના સ્થળે પહોંચી.

વિમાનના થયા બે ટૂકડા

આ દુર્ઘટના એટલી જબરદસ્ત હતી કે આના કારણે વિમાનના બે ટુકડા થઇ ગયા હતા. ઘટનાની જાણ થતા એરપોર્ટ એથૉરિટીના અધિકારીઓમાં હડકંપ મચી ગયો, જ્યાર બાદ તાત્કાલિકી રાહત ટીમોને ઘટના સ્થળે મોકલી દેવામાં આવી.