શ્રીનગરમાં સુરક્ષા એજન્સીઓએ ડીએસપી દેવેન્દ્ર સિંહના સંબંધીઓના ઘરે દરોડા પાડ્યા છે. રિપોર્ટ મુજબ, સુરક્ષા એજન્સીઓએ એક બેન્ક ઓફિસર, એક ડૉક્ટરના ઘરે શોધખોળ હાથ ધરી છે. આ ઉપરાંત શ્રીનગરના ઇન્દિરા નગરમાં સ્થિત શિવ મંદિરમાં પણ તપાસ કરવામાં આવી છે.
દરોડામાં સેનાની 15મી કોરનો પૂર્ણ નકશો, સાડા સાત લાખ રૂપિયા અને મોટી માત્રામાં હથિયાર જપ્ત કરાયા
સુરક્ષા એજન્સીઓને શંકા, દેવેન્દ્ર સિંહે પોતાના સંબંધીઓના ઘરે પૈસા છુપાવી રાખ્યા છે
ઇન્ટેલિજન્સ સૂત્રોએ કહ્યું કે દરોડામાં સેનાની 15મી કોરનો પૂર્ણ નકશો, સાડા સાત લાખ રૂપિયા અને મોટી માત્રામાં હથિયાર જપ્ત કરાયા છે. સુરક્ષા એજન્સીઓને શંકા છે કે દેવેન્દ્ર સિંહે પોતાના સંબંધીઓના ઘરે પૈસા છુપાવી રાખ્યા છે. દરોડા દરમિયાન આખા વિસ્તારની સ્થિતિ જાણવા માટે ડ્રોન કેમેરાનો પણ ઉપયોગ કરવામાં આવ્યો.
ડીએસપી દેવેન્દ્ર સિંહ અને તેની સાથે ધરપકડમાં લેવાયેલા હિજબુલના બે આતંકીઓ નવીદ બાબૂ અને આસિફ અહમદે પૂછપરછમાં જણાવ્યું કે, પાકિસ્તાન અને તેની જાસૂસી એજન્સી ISI હવાલા દ્વારા ભારતમાં આતંકીઓને પૈસા મોકલતા હતા. સુરક્ષા એજન્સીઓએ બે નાન બનાવનારની પૂછપરછ કરી અને ઇન્દિરા નગરના શિવ મંદિરની તપાસ કરી.
બંને નાન મેકર શિવ મંદિરમાં રોકાયા હતા. એજન્સીઓ નાન મેકર્સ પાસે દેવેન્દ્ર સિંહને લઇને તપાસ કરી રહી છે. જ્યારે ડ્રોન કેમેરાનો ઉપયોગ આખા ઇન્દિરા નગરની ફોટોગ્રાફી કરવા માટે કરવામાં આવ્યો હતો અને સુરક્ષા એજન્સીઓ કેટલાક ઓવર ગ્રાઉન્ડ વર્કર્સની તપાસ કરી રહી છે, દેવેન્દ્ર સિંહે પોતાની પૂછપરછમાં તેમના નામ લીધા છે. સુરક્ષા એજન્સીઓને શંકા છે કે, બની શકે કે દેવેન્દ્ર સિંહ અને તેના સંબંધીઓના ઘરે કેટલીક રોકડ અને હથિયાર રાખવામાં આવ્યા હોય.