દિવાળીના તહેવારોની ઉજવણીનું કાઉન્ટ ડાઉન શરૂ થઈ ગયું છે ત્યારે લોકો તહેવારોને લગતી ખરીદી કરી રહ્યા છે ત્યારે મુખવાસ કે મીઠાઈમાં ઉપયોગમાં લેવાતાં કાજુની ખરીદી પર આ વર્ષે લોકોએ વધારે ખર્ચ કરવો નહીં પડે. કારણકે આ વર્ષે કાજુના ભાવમાં રૂ.200નો ઘટાડો થયો છે.
દિવાળીના તહેવારોની ઉજવણીનું કાઉન્ટ ડાઉન શરૂ
કાજુના ભાવમાં રૂ.200નો ઘટાડો
જયારે કાજુ, દ્રાક્ષ અને અમેરિકન બદામના ભાવમાં અગાઉના વર્ષની તુલનાએ પાંચ ટકા ઘટાડો થયો છે. જે ચાલુ વર્ષે ગિફ્ટ પેકની સાઈઝમાં વધારો કરશે. આ વર્ષે મુખવાસની ટ્રેમાં સૌથી વધુ કાજુ જોવા મળશે.
ડ્રાયફ્રૂટસના ભાવમાં 5 ટકાનો ઘટાડો
ગત વર્ષે કાજુ રૂ.900 થી 1200 કિલોના ભાવે વેચાણ થતાં હતાં. જે આ વર્ષે ઘટીને રૂ.650થી 800 સુધી જોવા મળી રહ્યો છે. અમદાવાદના બજારમાં ગોવા મેંગ્લોર,અને આધ્રપ્રદેશથી કાજુનો જથ્થો આવે છે.
કાજુ થયાં સસ્તા
વેપારીઓના માટે એક્સપોર્ટમાં કાજુના ભાવ પૂરતા નહીં મળતા હોવા ઉપરાંત સ્થાનિક ઉત્પાદનમાં વધારો થતાં કાજુના ભાવમાં ઘટાડો થયો છે. અખરોટનો બજારભાવ હાલમાં રૂ.1500 પ્રતિ કિલો છે. જયારે બદામ રૂ.700થી 1000, ચારોળી રૂ.780, અંજીર રૂ.700થી 900, પિસ્તાં રૂ.900થી 1000 પ્રતિ કિલો ચાલી રહ્યા છે.
ફટાકડા થયાં મોંઘા
દિવાળીના તહેવારને હવે ગણતરીના દિવસો બાકી છે ત્યારે શહેરના અલગ-અલગ વિસ્તારમાં ફટાકડાના સ્ટોલ ખૂલી ગયા છે. આ વર્ષે નવી નવી જાતની ફટાકડાની વરાઇટી બજારમાં આવી ગઈ છે, પરંતુ મંદીના માર વચ્ચે ફટાકડાના ભાવમાં 15 થી 25 ટકા વધારો થયો છે.