સંયુક્ત અરબ અમીરાતની રાજધાની અબૂ ધાબીમાં એક અલગ પ્રકારનું વિચિત્ર ફરમાન જાહેર કરવામા આવ્યું છે. અહીં બાલ્કનીમાં કપડા સુકવવાને લઈને કડક ચેતવણી આપી દેવામાં આવી છે.
અબૂ ધાબીમાં નવો નિયમ જાહેર
બાલ્કનીમાં કપડા સુકવવા નહીં
નિયમનું પાલન નહીં કરનારા પર લાગશે મોટો દંડ
સંયુક્ત અરબ અમીરાતની રાજધાની અબૂ ધાબીમાં એક અલગ પ્રકારનું વિચિત્ર ફરમાન જાહેર કરવામા આવ્યું છે. અહીં બાલ્કનીમાં કપડા સુકવવાને લઈને કડક ચેતવણી આપી દેવામાં આવી છે. આદેશ મુજબ, જો કોઈ બાલ્કનીમાં કપડા સુકવશે અથવા તો કપડા ફેલાવતા પકડાશે તો તેના પર 1000 દિરહમ (લગભગ 20000) રૂપિયાનો દંડ લગાવામાં આવશે. હકીકતમાં જોઈએ તો, અધિકારીઓએ રહેણાંક વિસ્તારના એપાર્ટમેંટની બાલ્કની, બારીઓ અને રેલીંગ પર કપડા લટકાવવા, સુકવવાની ના પાડી દીધી છે. અહીંના અધિકારીઓનું કહેવુ છે કે, બાલ્કનીમાં કપડા સુકવવાના કારણે શહેરની સુંદરતા બગડી રહી છે. આવી સ્થિતિમાં અબૂ ધાબીની સુંદરતા જાળવી રાખવા માટે તમામે આ ચેતવણીનું પાલન કરવું પડશે.
આ નિયમ બનાવવા પાછળનો આ છે ઉદ્દેશ્ય
અબૂ ધાબીના અધિકારીઓએ કહ્યું કે, નિયમોનું પાલન કરવા માટે સમગ્ર શહેરમા જાગૃતિ અભિયાન ચલાવામાં આવશે. અબૂ ધાબી નગર નિગમે કહ્યું કે, આ અભિયાનનો ઉદ્દેશ્ય એ નક્કી કરવાનો છે કે, શહેરની સુંદરતા બની રહે અને કપડા ધોવાની ગંદી રીત રોકવામાં આવશે. નગર નિગમે એક નિવેદનમાં કહ્યું છે કે, એક એપાર્ટમેંટની બાલ્કની પર કપડા ધોવા અથવા તેને સુકવવાથી બારી અથવા રેલિંગથી લટકાવવાથી ઈમારતની સુંદરતા ખરાબ થાય છે અને તેની મંજૂરી અમે આપી શકીએ નહીં.
નિયમનું પાલન નહીં કરે તો, 21000 હજાર રૂપિયાનો દંડ
અધિકારીઓએ જણાવ્યું હતું કે, અબૂ ધાબીના લોકોએ શહેરની સુંદરતાને જાળવી રાખવા માટે અને પોતાના એપાર્ટમેંટની બાલ્કનીનો દુરુપયોગ નહીં કરવો જોઈએ, તેમણે એવું પણ કહ્યું કે, જો કોઈ તેમ છતાં પણ બાલ્કનીની ગંદી કરશે અથવા તો બહાર કપડા સુકવશે તો, તેમને 21000 રૂપિયાનો દંડ લાગશે. નગર નિગમે લોકોને આગ્રહ કર્યો છે કે, કપડા ધોવા માટે અત્યાધુનિક લોન્ડ્રી ડ્રાઈંગનો ઉપયોગ કરો, ઈલેક્ટ્રોનિક ક્લોથ ડ્રાયર અને કપડા સુકવવા માટે રૈકનો ઉપયોગ કરો. રોડ પરથી દેખાતી બાલ્કનીમાં કપડા સુકવવા નહીં.