દાહોદથી બસ અમદાવાદ લઇ જવાને બદલે પહોંચાડી ડાકોર નશામાં ST ડ્રાઇવર

ખેડાઃ દાહોદ અમદાવાદની ST બસનો ડ્રાઈવર નશાની હાલતમાં ઝડપાયો છે. નશાની હાલતમાં ભાન ભૂલેલા બસના ડ્રાઈવરે બસને અમદાવાદ લઈ જવાને બદલે ડાકોર પહોંચાડી દીધી.

જેના પગલે બસના મુસાફરોમાં રોષ જોવા મળ્યો હતો. બાદમાં ડાકોર બસસ્ટેન્ડના મેનેજરે ડ્રાઈવર વિરૂદ્ધ પોલીસ ફરિયાદ નોંધાવી છે.



ત્યારે સવાલ એ થાય છે કે સરકાર એક તરફ દારૂબંધીની વાતો કરે છે અને સરકારી અધિકારીઓ જ ફરજના સમયે દારૂ પીધેલી હાલતમાં ઝડપાય છે.

મહત્વનું છે કે ડાકોર બસ સ્ટેશનના મેનેજરે ડ્રાઇવર વિરૂદ્ધ ફરિયાદ નોંધાવી છે. ત્યારે આ બસ દાહોદથી અમદાવાદ આવવાના બદલે ડાકોર આવી પહોંચતા મુસાફરો આશ્ચર્યમાં મુકાયા હતા અને મુસાફરો પરેશાન થયા હતા.