દારૂના નશામાં ટલ્લી થયેલી એક મહિલાએ પોલીસ ઓફિસર પર મેકઅપ બેગ વડે હુમલો કર્યો અને થપ્પડ પણ મારી દીધી હતી. હકીકતમાં તેને ફ્લાઈટની અંદર માસ્ક પહેરવા માટે કહેવામાં આવ્યું હતું.
દારૂના નશામાં ફ્લાઈટમાં ચડી મહિલા
પોલીસને લાફો વળગાળી દીધો
કોર્ટે આપી આ સજા
દારૂના નશામાં ટલ્લી થયેલી એક મહિલાએ પોલીસ ઓફિસર પર મેકઅપ બેગ વડે હુમલો કર્યો અને થપ્પડ પણ મારી દીધી હતી. હકીકતમાં તેને ફ્લાઈટની અંદર માસ્ક પહેરવા માટે કહેવામાં આવ્યું હતું. મહિલા હેલીંસકીથી લંડન આવી હતી. આ મહિલાએ સહયાત્રીઓને પણ હેરાન કર્યા હતા. આ મામલો ગત વર્ષે ક્રિસમસનો છે. આ મામલે કોર્ટે હવે સજા ફટકારી છે.
આ ઘટના ફિનએરની ફ્લાઈટમાં ઘટી હતી. કુલ મળીને જ્યારે આ ઘટના બની ત્યારે મહિલા દારૂના નશામાં ચકનાચૂર હતી. તેણે ફ્લાઈટની અંદર પણ વાઈનની માગ કરી, જો કે પહેલા જ તેને બે વાઈનની નાની બોટલ આપી ચુક્યા હતા.
વારંવાર માસ્ક પહેરવાનું કીધું પણ ધ્યાન ન આપ્યું
રિપોર્ટ્સમાં જણાવ્યા અનુસાર આ મહિલાની ઓળખાણ 28 વર્ષિય લોટ્ટા કેંપ્પનિન તરીકે થઈ છે. તે બ્રિસ્ટલની રહેવાસી છે. તે ગત વર્ષે ક્રિસમસની સાંજે હેલિંસકીથી લંડન આવી હતી. આઈલવર્થ ક્રાઉન કોર્ટ સમક્ષ થયેલી સુનાવણી દરમિયાન સામે આવ્યું હતું કે, લોટ્ટાને કેબિન ક્રૂ દ્વારા 15 વખતથી પણ વધારે માસ્ક પહેરવા માટે કહેવામાં આવ્યું. જેમ કે, ફ્લાઈટમાં મુસાફરી દરમિયાન ફરજિયાત છે. પણ તેણે કોઈની વાત માની નહીં.
પોલીસને પણ લાફો ઝીકી દીધો
આ દરમિયાન પોલીસ અધિકારી પણ ફ્લાઈટમાં પહોંચ્યા હતા. જ્યાં લોટ્ટા તેમના પર ભડકી ગઈ અને તેમની સાથે અભદ્રતાથી વ્યવહાર કરવા લાગી. કોર્ટમાં આ મામલાની સુનાવણી થઈ. તેમાં સામે આવ્યું કે, તેણે પોલીસને જરાં પણ સહયોગ કર્યો નહીં. જ્યારે તેની પાસે પાસપોર્ટ માગવામાં આવ્યો તો તે હિંસક થઈ ગઈ. આ દરમિયાન તેણે મેકઅપ બૈગ પોલીસ અધિકારીના મોં પર મારી દીધી હતી.
કેટલો દંડ લાગ્યો
આ મામલામાં લોટ્ટા પર 1 લાખ રૂપિયાનો દંડ ફટકારવામાં આવ્યો છે, તો વળી 25 હજાર રૂપિયાનું વળતર એ પોલીસ અધિકારીને પણ આપવામાં આવ્યું, જેની સાથે આ મહિલાએ અભદ્રતા આચરી હતી.
માતા-પિતાએ માફી માગી
તો વળી લોટ્ટાના માતા-પિતા પણ આ દરમિયાન કોર્ટમાં હાજર હતા. તેમણે પોતાની દિકરીના આવા વર્તન પર માફી માગી હતી. તેમણે કહ્યું કે, તેમની દિકરી ડિપ્રેશન સામે લડી રહી છે. તેના માટે તે દવા પણ લેતી રહે છે. જજે કહ્યું કે, લોટ્ટાને જેલની સજામાંથી રાહત આપીએ છીએ. તેનું કેરેક્ટર સારુ છે. તો વળી મેડિકલ રિપોર્ટ જણાવે છે કે, દારૂ અને દવા ભેગી થાય તો શું નુકસાન થાય. લોટ્ટા હવે રિહૈબ સેન્ટરમાં જશે.