ટીવી એક્ટ્રેસ રુહી શૈલેષકુમાર સિંહે મુંબઇમાં બાંદ્રા પાસે પોતાની ફાસ્ટ સ્પીડની કારથી આશરે 7 ગાડીઓને ટક્કર મારી દીધી છે. જાણવા મળી રહ્યું છે કે એ નશામાં ધૂત હતી. નશામાં ધૂત હોવાના કારણે તેને હોટલના સ્ટાફ સાથે મારપીટ કરી અને પોલીસ કોન્સ્ટેબલને થપ્પડ પણ લગાવી દીધી.
ટીવી એક્ટ્રેસ રુહી સિંહે સોમવારે રાતે બાંદ્રામાં બનેલી એક રેસ્ટોરન્ટની બહાર જોરદાર હંગામો કર્યો. એની વિરુદ્ધ મુંબઇ પોલીસે એફઆઇઆર દાખલ કરી છે. આ ઘટનાના ઘણા વીડિયો સોશિયલ મીડિયા પર વાયરલ થઇ રહ્યા છે.
એર રિપોર્ટ અનુસાર રુહી પોતાના 2 મિત્રો રાજેશ અને રાહુલની સાથે મોડી રાતે બે વાગ્યે બાંદ્રાના લિકિંગ રોડ પર આવેલી એક રેસ્ટોરન્ટમાં પહોંચી. મોડી રાતે આ રેસ્ટોરન્ટ બંધ થઇ ગઇ હતી. પરંતુ રુહીએ ત્યાં હાજર સ્ટાફને રેસ્ટોરન્ટ ખોલવાની વાત કહી હતી. રુહી રેસ્ટોરન્ટનું વોશરૂમ યૂઝ કરવા માંગતી હતી. જ્યારે સ્ટાફે એને અંદર જવા ના દીધી તો એને સ્ટાફની સાથે મારપીટ કરી. મોડી રાતે આ આ હંગામા બાદ સ્ટાફે પોલીસને ફોન કરીને બોલાવ્યા.
રિપોર્ટ પ્રમાણે જ્યારે પોલીસ ઘટના સ્થળ પર પહોંચી તો એક્ટ્રેસ અને એના ત્રણ મિત્રો સ્ટાફ સાથે ચર્ચા કરી રહ્યા હતા. પોલીસે જ્યારે એક્ટ્રેસને સમજાવી તો રુહી સિંહે પોલીસની સાથે પણ મારપીટ કરી. આ સમગ્ર ઘટનાનો જ્યારે વીડિયો બનાવવામાં આવ્યો તો એક્ટ્રેસે કૉન્સ્ટેબલને થપ્પડ મારી દીધી.