યુપીના હાથરસમાં એક ટીચર દારુ પીને ક્લાસમાં આવીને વિદ્યાર્થીઓને ભણાવવા લાગ્યો હતો. આ ઘટનાનો વીડિયો વાયરલ થતા હોબાળો મચ્યો છે.
યુપીના હાથરસમાં ટીચરની શરમજનક કરતૂત
ક્લાસમાં ફૂલ દારુ પીને આવ્યો
વિદ્યાર્થીઓને ભણાવવા લાગ્યો
હાથમાં હતું બીયરનું કેન
યુપીના હાથરસની એક સ્કૂલમાં ટીચર ફૂલ દારુ પીને ક્લાસમાં આવીને વિદ્યાર્થીઓને ભણાવવા લાગ્યો હતો. આ ઘટનાનો વીડિયો વાયરલ થતા આરોપી ટીચર સામે કાર્યવાહીની માગ ઉઠી છે. દિલ્હી મહિલા પંચના અધ્યક્ષ સ્વાતી માલિવાલે આ ઘટનાનો વીડિયો શેર કર્યો છે.
સ્વાતી માલિવાલે વીડિયો શેર કર્યો
વીડિયો શેર કરતા માલિવાલે લખ્યું કે નશાની હાલતમાં ટીચર છોકરા-છોકરાઓની ભણાવી રહ્યો છે. વીડિયો હાથરસનો હોવાનું જણાવાય છે. જો બાળકોના ભવિષ્યના સર્જનહાર જ આવી હરકત કરે તો બાળકોનું ભવિષ્ય કેવી રીતે સારુ હોઈ શકે. આ ટીચરની સામે તરત કાર્યવાહી થવી જોઈએ. સોશિયલ મીડિયા પર વાયરલ થયેલા વીડિયોમાં એક ક્લાસરૂમ જોવા મળી રહ્યો છે, જેમાં વિદ્યાર્થીઓ નીચે બેઠા છે અને ખુરશી પર બેઠેલા શિક્ષક નશાની હાલતમાં તેમને ભણાવી રહ્યો છે. આ દરમિયાન એક વ્યક્તિ વીડિયો બનાવવા લાગ્યો હતો.
नशे की हालत में धुत मास्टर जी बच्चे बच्चियों को पढ़ा रहे हैं। वीडियो हाथरस यूपी की बताई जा रही है। यदि बच्चों के भविष्य के सृजनहार टीचर ऐसी हरकत करें तो क्या बच्चों का भविष्य अच्छा हो सकता है? तुरंत इस टीचर पे कार्यवाही करे @Uppolicepic.twitter.com/zbCoJb5D8e
ખુરશી પાસે મૂક્યુ હતું બીયરનું ખાલી કેન
વીડિયોમાં ટીચરના હાથમાં બીયરનું ખાલી કેન હોવાનું પણ જણાઈ રહ્યું છે. જ્યારે વીડિયો બનાવનાર વ્યક્તિ પાછળના ભાગે જઈને બીયરના કેનનો વીડિયો બનાવવા લાગ્યો ત્યારે ટીચરે તેને છુપાવવાનો પ્રયાસ કર્યો હતો.
આરોપી ટીચર બરખાસ્ત
ક્લાસમાં દારુ પીને વિદ્યાર્થીઓને ભણાવનાર ટીચરનો વીડિયો વાયરલ થયા બાદ તેની સામે કાર્યવાહી કરવામાં આવી છે. જિલ્લા શિક્ષણાધિકારીએ આરોપી ટીચરને બરખાસ્ત કરવાનો આદેશ આપ્યો હતો.