સુરત / BJPનો કાર્યકર અમારા કાર્યાલયમાં સૂઈ ગયો અને બીજાએ ફોટો પાડ્યા..: AAPએ વીડિયો સાથે કર્યો મોટો ખુલાસો

• વાયરલ ફોટા મુદ્દે આમ આદમી પાર્ટીનો દાવો 
• નશામાં ચૂર વ્યક્તિ ભાજપનો કાર્યકર હોવાનો દાવો 
• ભાજપે આપનો દાવો નકાર્યો 

સુરતમાં આમ આદમી પાર્ટીના કાર્યાલયનો એક ફોટો વાયરલ થયો હતો. જે ફોટા મુદ્દે આપ દ્વારા એવું કહેવામાં આવ્યું છે કે આ ફોટો વાયરલ કરવા માટે સમગ્ર કાવતરુ રચવામાં આવ્યું છે. વધુંમાં આમ આદમી પાર્ટીએ ભાજપ સામે ગંભીર આક્ષેપો કર્યા છે. જેના કારણે આ મામલે હવે ગરમાયો છે. 

સીસીટીવીમાં ફોટો ખેચનાર કેદ 

આપ દ્વારા એવું કહેવામાં આવ્યું કે સમગ્ર કાવતરુ ભાજપ દ્વારા રચવામાં આવ્યું હતું. જોકે આ ઘટના સીસીટીવીમાં પણ કેદ થઈ છે. સીસીટીવીમાં એક વ્યક્તિ આપના કાર્યાલય પર આવીને જે વ્યક્તિ સુઈ રહ્યો છે તેનો ફોટો પાડતો નજરે પડી રહ્યો છે. 

ભાજપના કોર્પોરેટરે ફોટો વાયરલ કર્યો 

ભાજપના કોર્પોરેટરેજ આપના કાર્યકરની નશાની હાલતમાં પોસ્ટ મૂકી હતી. પરંતુ જે કાર્યકર નશાની હાલતમાં હતો તે ભાજપનો કાર્યકર હોવાનો આમ આદમી પાર્ટીએ દાવો કર્યો છે. ભાજપના કોર્પોરેટર વ્રજેશ ઉનડકટ દ્વારા સોશિયલ મીડિયા પર તે ફોટો વાયરલ કરવામાં આવ્યો હતો. 

સીસીટીવીમાં તઈ ફોટો પાડનારની ઓળખ 

સમગ્ર મામલે જ્યારે તપાસ કરવામાં આવી ત્યારે સામે આવ્યું કે કાર્યાલયમાં જે વ્યક્તિ સુતો હતો તેનું નામ હિમાશું મહેતા છે. સાથેજ જે વ્યક્તિએ ફોટો પાડ઼્યો તેનું નામ જયરાજ સાહુકર હોવાનું સામે આવ્યું જે ભાજપનોજ કાર્યકર છે. 

ફોટા પાડનાર વ્યક્તિ ભાજપનો કાર્યકર 

સમગ્ર મામલે ભાજપના કોર્પોરેટરનું એવું કહેવું છે કે જે વ્યક્તિ દારૂ પીને અંદર સૂતો છે. તે ભાજપનો કાર્યકર નથી. પરંતુ જે વ્યક્તિએ ફોટા પાડ્યા છે તે ભાજપનોજ કાર્યકર છે. જેથી મામલે આ સમગ્ર મામલે હજુ સુધી કોઈ ચોક્કસ માહિતી સામે નથી આવી. 

ભાજપે આપનો દાવો નકાર્યો 

ઉલ્લેખનીય છે કે સોશિયલ મીડિયા પર ફોટો વાયરલ થવાને કારણે મામલો ઘણો ગરમાયો હતો. તેમા પણ ભાજપનાજ કોર્પોરેટર દ્વારા ફોટો વાયરલ કરવામાં આવ્યો. પરંતું ફોટો વાયરલ થયા બાદ આમ આદમી પાર્ટી દ્વારા એવો દાવો કરવામાં આવ્યો તે કાર્યકર ભાજપનો છે. પરંતુ આપના આ દાવો ભાજપ દ્વારા નકારી દેવામાં આવ્યો છે.