અઘરી નોટ / અડધી રાતે પોલીસને ફોન કરી બોલાવી, ગાડી આવી તો બોલ્યો- ચેક કરવા માગતો હતો પોલીસ કામ કરે છે કે નહીં !

• દારૂડીયાએ અડધી રાતે પોલીસને દોડાવી
• ફોન કરી ચેક કરવા માગતો હતો પોલીસ કામ કરે છે કે નહીં
• પોલીસે કહ્યું આવી રીતે હેરાન કરવા નહીં

ફોન કરીને પોલીસ આવશે કે નહીં, એ જોવા માટે નશામાં ધૂત એક ભાઈએ રાતના સમયે ઈમરજન્સી નંબર 112 ડાયલ કરી નાખ્યો. થોડી વારમાં પોલીસ વૈન સાથે ત્યાં પહોંચી ગઈ. પોલીસે કારણ જાણવાની કોશિશ કરી તો, ગભરાવા લાગ્યો. પોલીસે કહ્યું શું તે અમને બોલાવ્યા, તો તેણે કહ્યું હા, મેં જ ફોન કર્યો હતો, પોલીસે પૂછ્યું શું તે દારૂ પીધો છે ? ના મેં બિયર પીધું છે.

સોશિયલ મીડિયા પર વાયરલ થયો દારૂડીયો

આ વીડિયો સોશિયલ મીડિયા પર વાયરલ થઈ ગયો છે. આ વીડિયો લોકોને ખૂબ પસંદ આવી રહ્યો છે. હરિયાણાના એક સરકારી ઓફિસરે આ વીડિયો શેર કર્યો છે. જેના પર લોકો અલગ અલગ કમેન્ટ કરી રહ્યા છે. 

पीने के बाद जनता को पुलिस की याद आती है। 2 दिन से पुलिस की गाड़ी नही दिखी तो 112 पे फ़ोन मिला लिया 😀😀. घटना पंचकूला की है ।
( PS - Police resources are already scarce , don't misuse them 🙏) @police_haryana @112Haryana pic.twitter.com/5aQFLhs3Aq

— Pankaj Nain IPS (@ipspankajnain) February 9, 2022

આવી રીતે પોલીસનો દુરુપયોગ ન કરો

આઈપીએસ ઓફિસર પંકજ નૈને લખ્યું છે કે, પીધા બાદ આવી રીતે પોલીસને હેરાન ન કરો, ફુલ પી ગયા પછી પોલીસની યાદ આવે છે. 2 દિવસથી પોલીસની ગાડી દેખાઈ નહીં તો, 112 નંબર પર ફોન કર્યો. આ ઘટના પંચકૂલાની છે. પંકજ નૈને વીડિયો કેપ્શનમાં આગળ લખ્યું છે, પોલીસ સંસાધન પહેલાથી જ દુર્લભ છે, તેનો આવી રીતે દુરૂપયોગ ન કરો. 

કોણ છે આ ટલ્લી થયેલ ભાઈ

વીડિયોમાં અવાજ સ્પષ્ટ સંભળાઈ રહ્યો છે. પોલીસ કર્મી આ શખ્સ સાથે પૂછપરછ કરી રહ્યા છે. જેમાં તેની ઓળખાણ રાયપુર રાનીના ટપરિયા ગામનો રહેવાસી નરેશ કુમાર તરીકે થઈ છે. આવી રીતે અચાનક પોલીસને બોલાવતા જોઈને પોલીસ પણ હેરાન થઈ ગઈ હતી.

એ જોવા માગતો હતો કે, પોલીસ આવે છે કે નહીં

વીડિયોમાં દેખાઈ રહ્યું છે કે, પોલીસકર્મીઓેએ તેને પોલીસ બોલાવા પાછળનું કારણ જાણ્યું તો તેણે કહ્યું કે, સાંજના 5 વાગ્યે ટ્રેન નથી આવતી. હું ચાલતો જઈ રહ્યો છું અને કોઈ કાર નથી આવતી. એટલા માટે હું જોવા માગતો હતો કે, પોલીસ કામ કરી રહી છે કે નહીં. આ સાંભળી પોલીસ પણ ચોંકી ગઈ.

બહું બધો દારૂ પી ગયો હતો 

માનવામાં આવી રહ્યું છે કે, પોલીસકર્મીઓએ જોતા જ અંદાજો લગાવી લીધો હતો કે, આણે ખૂબ દારૂ પીધો છે. એટલા માટે તેમણે આ શખ્સનો વીડિયો ઉતારી લીધો. ત્યાર બાદ પોલીસે તેને સારી રીતે સમજાવ્યો કે, આવું ન કરવું જોઈએ. સમજાવ્યું કે, ફક્ત સંકટની ઘડીમાં જ 112 નંબર ડાયલ કરો. 15-20 મીનિટમાં પોલીસ તેમની પાસે પહોંચી જશે.