પર્દાફાશ / નશાનો કાળો કારોબાર: DRIને મોટી સફળતા, કચ્છના મુન્દ્રા પોર્ટ પર ઝડપાયું અધધ 2500 કરોડનું ડ્રગ્સ

• કચ્છના મુન્દ્રા પોર્ટ પર DRIની મોટી કાર્યવાહી
• મુન્દ્રા પોર્ટ પરથી 2500 કરોડનું ડ્રગ્સ ઝડપાયું
• બે કન્ટેનરમાંથી ઝડપાયું ડ્રગ્સ
• DRI અને NCBની ટીમોએ વધુ તપાસ હાથ ધરી

મુન્દ્રા બંદર વિભાગ પર સંદીગ્ધ એવા કન્ટેનર્સની તપાસમાં માદક પદાર્થોનો જંગી જથ્થો   ઝડપાયો છે. ડાયરેક્ટર ઓફ રેવન્યુ ઇન્ટેલીજન્સને મળેલી બાતમીના આધારે મંગળવારે આ ચારેક જેટલા કન્ટેનર્સની તપાસ માટે અટકાવ્યા હતા. કહેવાય છેકે, આંતર રાષ્ટ્રીય બજારમાં આ આ માદક દ્રવ્યની કિમત 2500 કરોડથી વધુ થવા જાય છે.

મળેલી માહિતી પ્રમાણે અફઘાનિસ્તાનથી વાયા ઈરાન થઈને આવેલા પાઉડરના ચાર કન્ટેનરમાં માદક પદાર્થ હોવાની DRI ને આશંકા હતી.આ તમામ કન્ટેનરની તપાસ માટે લગભગ 8 જેટલી એજન્સીઓ કામે લાગી હતી. હવે ફોરેન્સીક વિભાગ   આ પાઉડરના જથ્થાની ચકાસણી કરશે. જો આ ડ્રગ્સ કેફી દ્રવ્ય   નીકળ્યું તો મુન્દ્રા   બંદર પર આટલો મોટો કેફી દ્રવ્યનો જથ્થો ઝડપાયાની પહેલી ઘટના હશે.શરૂઆતના એવું તારણ નીકળ્યું હતું કે, દાણચોરીથી વિદેશી સીગારેટસ લાવવામાં આવી હોય. પરંતુ આ ચાર માના એક કન્ટેનરમાં સંદિગ્ધ પદાર્થ   હોવાની આશંકા પ્રબળ બની હતી. હવે મુન્દ્રા બંદર પર આવેલા આ ચારેય કન્ટેનર્સ વિશે DRI ઝીણવટભરી પૂછપરછ ચલાવી રહી છે.

છેલ્લા બે વર્ષથી સિરક્રીક વિસ્તારમાંથી નશીલા પદાર્થોના પેકેટ્સ મળ્યા છે BSFનાં જવાનો એ હસ્તગત કરેલા આ નશીલા પદાથીના પેકેટ્સ પાકિસ્તાનથી આવતા હોવાની પુષ્ટિ પણ કરી છે. કેટલાક પાકિસ્તાની માછીમારો દરિયામાં માછીમારીની આડમાં ભારતમાં અને ખાસ કરીને ગુજરાતના દરિયાઈ માર્ગેથી નશા જાળ બિછાવી રહ્યા છે. 2018-2019 દરમિયાન આંતર રાષ્ટ્રીય બજારમાં કરોડોની કિમતના કહેવાતા ચરસના પેકેટ્સ હાથ લાગ્યા હતા. હવે મુન્દ્રા બંદર પરથી સંદિગ્ધ કહેવાતા કરોડોની કિમતના માદક   દ્રવ્યોનો ઉપભોગ કોણે કરવાનો છે ? ગુજરાતના યુવાધનને માદક દ્રવ્યોના રવાડે ચઢાવી યૌવન ને ખોખલું કરવાના નાપાક ઈરાદાઓ કોણ ધરાવે છે ? આ માદક પદાર્થનો જથ્થો કોના ઇશારે આવ્યો,અને ક્યા પહોચાડવાનો હતો ? આવા સવાલોના જવાબ હવે DRI એ શોધવા જ રહ્યા.

મુંબઈના 26/11 નાં હુમલાનો માસ્ટર માઈન્ડ કસાબ પણ જખૌના દરિયાઈ માર્ગેથી ઘુસી મુંબઈ   પહોચી ગયો હતો. કૂબેર બોટના માલિકને બંધક બનાવી મુંબઈ પહોચ્યા પછી નાવિકને મોતને ઘાટ ઉતારી દીધો હતો. ત્યારથી ગુજરાતની દરિયાઈ સુરક્ષા જડબેસલાક કરી દેવાઈ છે.આમ છતાં કચ્છના સિરક્રીક વિસ્તારમાં નશીલા પદાર્થો મળી આવ્યા છે. હવે મુન્દ્રા બંદરે અફઘાનિસ્તાનથી આવેલા આ પાઉડરની ચર્ચા સમગ્ર ગુજરાતમાં થવા લાગતા અન્ય એજન્સીઓ પણ   સતર્ક થઇ ગઈ છે.