ATS અને ગુજરાત પોલીસનુ સંયુક્ત ઓપરેશનમાં વધુ એકવાર કરોડોની કિમતનો ડ્રગ્સનો જથ્થો જામનગર દરિયાઇ પટ્ટી પરથી ઝડપી પાડ્યો છે. કરોડોનું ડ્રગ્સ મરીન પોલીસ ચોકી પાછળ છુપાવાયું હતુ.
નશીલા પદાર્થનો કાળો કારોબાર
ગુજરાતનો દરિયાકાંઠો કુખ્યાત
કરોડોની કિમતના ડ્રગ્સના સોદા
ગુજરાત પોતાના 1600 કિલોમીટરના દરિયા કિનારાના કારણે પ્રખ્યાત છે.પરંતુ આ દરિયા કિનારો હવે ડ્રગ્સના કારણે કુખ્યાત થતો જાય છે. ATS અને ગુજરાત પોલીસનુ સંયુક્ત ઓપરેશનમાં વધુ એકવાર કરોડોની કિમતનો ડ્રગ્સનો જથ્થો જામનગર દરિયાઇ પટ્ટી પરથી ઝડપી પાડ્યો છે. દરિયાઈ પટ્ટી પર મરીન પોલીસ ચોકી પાછળ છુપાવવામાં આવેલો ડ્રગ્સનો આ જથ્થો ઝડપી લેવામાં સફળતા હાંસલ થઈ છે. મોરબીના આરોપીએ જ ડ્રગ્સનો આ જથ્થો છુપાવ્યો હતો. આ પહેલા ગત સપ્તાહે જ દ્વારકાના નવાદ્રાથી 24 કિલો હેરોઈનનો જથ્થો ઝડપી પાડયો હતો.
મોરબીના આરોપીએ આપ્યા સગડ
મોરબી ડ્રગ્સ કાંડના આરોપીઓના ખુલાસાને આધારે કરોડોની કિંમતનું ડ્રગ્સ ઝડપાયું છે. જામનગરની દરિયાઈ પટ્ટીમાં છુપાયેલા ડ્રગ્સનો જથ્થો મરીન પોલીસે જપ્ત કર્યો છે. મરીન પોલીસ ચોકીની પાછળથી જ ડ્રગ્સનો જથ્થો જપ્ત કરવામાં આવ્યો છે. આરોપીઓની પૂછપરછમાં ખુલાસો થયો કે સલાયામાંથી ઝડપાયેલા ડ્રગ્સનો બીજો જથ્થો છૂપાવ્યો હતો. જેને લઇ તપાસ કરતા કરોડોની કિંમતનું ડ્રગ્સ મળી આવ્યું છે.
મોરબીના ઝીંઝુડા ગામમાંથી અંદાજીત 600 કરોડના ડ્રગ્સ સાથે ATSએ 3 શખ્સોની ધરપકડ કરી હતી, ATSએ મોટું ઓપરેશન હાથ ધર્યું હતું જેમાં 120 કિલો ડ્રગ્સ મામલે ગુજરાત ATSને મોટી સફળતા મળી હતી, જેને લઈને ગુજરાતના પોલીસ વડા આશિષ ભાટીયાએ પત્રકાર પરિષદ સંબોધી હતી. જેમાં તેમણે જણાવ્યું હતું કે સમસુદ્દીન સૈયદના ઘરે રેડ કરી તે દરમિયાન 120 કિલો હેરોઈન મળી આવ્યું છે આ ડ્રગ્સ કેસમાં પાકિસ્તાન કનેક્શન પણ સામે આવ્યું છે હાલ 3 આરોપીઓની ATSએ ધરપકડ કરી છે.
ગુજરાતમાંથી ડ્રગ્સ ઝડપાવાનો સિલસિલો યથાવત છે રાજ્યમાં મોરબીના ઝીંઝુડા ગામમાંથી ATSએ 3 શખ્સોની કરોડોના માદક પદાર્થ સાથે ધરપકડ કરી છે. જો કે હજુ સુધી ATS દ્વારા હજુ સુધી સત્તાવાર કોઈ પુષ્ટિ કરાઈ નથી, પરતું કરોડોનું ડ્રગ્સને પકડી પાડવા ATSએ મોટું ઓપરેશન હાથ ધર્યું હતું, જેમાં 120 કિલો ડ્રગ્સ મળી આવ્યું છે, આ ડ્રગ્સની કિંમત આંતરાષ્ટ્રીય માર્કેટમાં 600 કરોડ હોવાનું મનાઈ રહ્યું છે. નવલખી પોર્ટ પાસે ઝીંઝુડા ગામે સ્થાનિર પોલીસને સાથે રાખીને ATSએ ઓપરેશન હાથ ધર્યું હતું, જેમાં શમસુદ્દીન,ગુલામ હુસૈન,મુખ્તાર હુસેન ઉર્ફે જબ્બારની નામના 3 શખ્સોની ધરપકડ કરવામાં આવી છે. ગુલામ હુસૈન ભગાડ જામનગરના સલાયાનો રહેવાસી છે જ્યારે મુખ્તાર હુસેન ઉર્ફે જબ્બાર જામનગરના જોડીયાનો રહેવાસી છે.
દ્વારકા નજીકથી પણ હેરોઈન ઝડપાયું હતું
દ્વારકાના કલ્યાણપુર તાલુકાના નાવદ્રા બંદરે ATSદ્વારા મોટી કાર્યવાહી હાથ ધરવામાં આવી હતી. જેમાં 120 કરોડની કિમતનું 24 કિલો હેરોઈન મળી આવ્યું છે. મોરબી ઝિંઝુડાથી ઝડપાયેલા આરોપીઓની પૂછપરછ પોલીસને મોટી માહિતી મળી હતી. પકડાયેલા આરોપી જબ્બાર જોડીયા કડક પૂછતાછમાં ભાગી પડ્યો હતો અને પોતે સપ્લાઈ કરેલા ડ્રગ્સ વિશે પોલીસને ઈનપુટ આપ્યા હતા. આરોપી જબ્બારે નાવદ્રામાં ડ્રગ્સ છુપાવ્યાની કબુલાત કરી હતી જે બાદ આ કાર્યવાહી કરવામાં આવી છે.