ગુજરાતમાં યુવાધનને ડ્રગ્સ દ્વારા બરબાદ કરવાનું ષડયંત્ર ચાલી રહ્યું છે. ડ્રગ્સની હેરાફેરી, ડ્રગ્સનું સેવન અને ડ્રગ્સનું વેચાણ ગુજરાતમાં મોટાપાયે થતું હોવાનું ખુલી રહ્યું છે. ત્યારે હવે સુરતમાં ડ્રગ્સ રેકેટનો પર્દાફાશ થયો છે.
સુરતમાં ફરી એકવાર ડ્રગ્સ રેકેટનો થયો પર્દાફાશ
સારોલી પોલીસને 1.71 કિલો ડ્રગ્સ સાથે રાજસ્થાની યુવકની કરી ધરપકડ
મુંબઈથી ડ્રગ્સ લાવ્યો હોવાનો થયો ખુલાસો
સુરતમાં ગત 25 સપ્ટેમ્બરે ગૃહ રાજ્યમંત્રી હર્ષ સંઘવીના હસ્તે સારોલી પોલીસ સ્ટેશનનું લોકાર્પણ કરવામાં આવ્યું હતું. ત્યારે સારોલી પોલીસ સ્ટેશન શરૂ થયા ને પહેલો કેસ ડ્રગ્સનો નોંધાયો છે.
1.71 કિલો ડ્રગ્સ સાથે રાજસ્થાની યુવક ઝડપાયો
શહેરના સારોલી વિસ્તારમાંથી પોલીસે કરોડોની કિંમતનું MD ડ્રગ્સ ઝડપી પાડ્યું છે. સારોલી પોલીસે 1 કરોડ 65 લાખની કિંમતના 1.71 કિલો MD ડ્રગ્સ સાથે રાજસ્થાની યુવક અજમલને ઝડપી પાડ્યો છે. તેની પૂછપરછમાં ચોંકાવનારા ખુલાસા થયા છે.
મુંબઈથી લાવ્યો હોવાનું પૂછપરછમાં કબૂલ્યું
પૂછપરછમાં સામે આવ્યું છે કે, પકડાયેલા ડ્રગ્સ માફીયાનું નામ અફઝલ ઉર્ફે ગુરૂ સુબ્રરતઅલી સૈયદ(31)(રહે, પ્રતાપનગર, અજમેર, રાજસ્થાન) છે અને તે ડ્રાઇવીંગનું કામ કરે છે. વધુમાં તે એમડી ડ્રગ્સ મુંબઈના નાલાસોપારા ખાતેથી બલ્લુ નામના ડ્રગ્સમાફીયા પાસેથી લઈ આવ્યો હતો. ડ્રગ્સ માફીયા લકઝરી બસમાં મુંબઇથી એમડી લઈ સુરત સપ્લાય કરવા આવ્યો હતો.
ક્રાઇમબ્રાંચને વધુ તપાસ માટે સોંપી દીધો
આ ઉપરાંત તે અગાઉ ત્રણથી ચાર વખત MD ડ્રગ્સની ડિલિવરી કર્યાનો પણ ખુલાસો થયો છે. હાલ પોલીસે સારોલી પોલીસે પૂછપરછ કરીને ક્રાઇમબ્રાંચને વધુ તપાસ માટે સોંપી દીધો હતો. ક્રાઈમબ્રાંચે અફઝલ આ ડ્રગ્સ કોને સપ્લાય કરવાનો હતો તે જાણવા ચક્રોગતિમાન કર્યા છે.