ફરી એકવાર વડોદરામાંથી ઝડપાયું ડ્રગ્સ રેકેટ 2 આરોપીની ધરપકડ

વડોદરાઃ યુવાધનને બરબાદ કરવાના કારસ્તાનનો વડોદરામાં વધુ એક વખત પર્દાફાશ થયો છે. શહેરમાંથી ફરી એક વાર ડ્રગ્સ રેકેટ ઝડપાયું છે.વડોદરાના પાણી ગેટ વિસ્તારમાંથી SOGએ સિડયુલ ડ્રગ સબટન્સીસની યાદીમાં આવતા પેન્ટાઝોસીન લેક્ટેટ અને પેન્ટાલેબના 1 હજાર નંગ ઝડપી પાડયા છે.

આ સાથે 2 આરોપીને પણ ઝડપી પાડવામાં આવ્યા છે. જાણકારી મુજબ ઝડપાયેલા બન્ને શખ્સ નશીલા ઈન્જેક્શન ઉત્તરપ્રદેશના ફરૂખાબાદથી પુનમ અને જગદીશ નામના વ્યક્તિ પાસેથી લાવ્યા હતા. આ ઈન્જેક્શનને અજબડી મિલના કંપાઉન્ડમાં આવેલા એક મંદિરમાં સંતાડયા હતા.

ઝડપાયેલા બન્ને શખ્સો આ ઈન્જેક્શનને લઈને અજબડી મીસ પાસેથી જઈ રહ્યા હતા ત્યારે SOGએ તેમને રંગે હાથ ઝડપી પાડયા હતા.

તો આ પહેલા 28 જાન્યુઆરીએ પણ આ જ પ્રકારનો નશીલો પદાર્થ શહેરમાંથી ઝડપાયો હતો. ઝડપાયેલા બન્ને શખ્સ ગુનાહિત ઈતિહાસ ધરાવે છે. હાલ તો પાણીગેટ પોલીસે ગુનો નોંધી વધુ તપાસ હાથ ધરી છે.