કોમેડિયન ભારતી સિંહની એનસીબીએ શનિવારે ડ્રગ્સ કેસમાં ધરપકડ કરી લીધી છે. સાથે જ તેના પતિ હર્ષની પણ ધરપકડ કરવામાં આવી છે. શનિવારે એનસીબીએ ભારતીના ઘરે દરોડા પાડ્યા હતા, જેમાં તેના ઘરેથી ગાંજો મળી આવ્યો હતો. ત્યારે ભારતીનું નામ ડ્રગ્સ કેસમાં આવતા કોમેડિયન રાજૂ શ્રીવાસ્તવ ભડક્યો છે.
ભારતી સિંહની ડ્રગ્સ કેસમાં થઈ ધરપકડ
ભારતીનું નામ ડ્રગ્સ કેસમાં આવતા કોમેડિયન રાજૂ શ્રીવાસ્તવ ભડક્યો
ભારતીએ ગાંજો લેતી હોવાની કરી કબૂલાત
કોમેડિયન રાજૂ શ્રીવાસ્તવ એક ઈન્ટરવ્યૂમાં કહ્યું-મને જરાય વિશ્વાસ નથી થઈ રહ્યો અને હું શોક્ડ છું. બોલિવૂડમાં આ શું થઈ રહ્યું છે અને કલાકારો આવી હરકત કેમ કરી રહ્યાં છે. પહેલાં મને લાગ્યું કે તપાસને ખોટી દિશામાં દોરવા માટે ભારતી અને હર્ષનું નામ લેવાઈ રહ્યું છે. પરંતુ હવે ખબર પડી કે એ લોકોએ પોતે ડ્રગ્સ લેવાની વાત સ્વીકારી છે અને તેમના ઘરેથી ગાંજો મળી આવ્યો છે.
રાજૂએ આગળ કહ્યું-શું જરૂર છે આ પદાર્થ લેવાની, શું ડ્રગ્સ કે નશા વિના કોમેડી નથી થતી. મારો આ તરફ ધ્યાન પણ ન ગયો. કઈ રીતે આ લોકો આટલી કોમેડી કરી રહ્યાં છે, ડાંસ કરી રહ્યા છે. અમને લાગ્યું કે લગ્નના એક્સાઈટમેન્ટમાં આખી રાત ડાંસ કરી રહ્યાં છે, એનર્જી આવી રહી છે પરંતુ હવે હકીકત સામે આવી છે. રાજૂએ આગળ કહ્યું-બધાં એવા નથી હોતા. પરંતુ રોજ બોલિવૂડ કે ટીવીમાંથી કોઈકના નામ સામે આવી રહ્યાં છે. હું એ લોકોનો બચાવ નહીં કરું. હું બહુ દુઃખી છું. અમારા સાથી કલાકાર આવી ગંદગી ફેલાવી રહ્યાં છે અને અમને ખબર જ નહોતી.