વાપીમાં ઝડપાયેલા આરોપીઓ અન્ય રાજયોમાંથી ગાંજો લાવી અને વાપીના છેવાડાના વિસ્તારમાં અને પડોશી સંઘપ્રદેશ દાદરાનગર હવેલીના સેલવાસમાં વેચતા હોવાનું બહાર આવ્યું છે.
વાપીGIDC પોલીસે કર્યો કારોબારનો પર્દાફાશ
16કિલો જેટલા ગાંજાના જથ્થા સાથે 2 ની ધરપકડ
વનસ્પતિજન્ય ગાંજો-કોણ અને કેટલા ખેપિયા ?
ઔદ્યોગિક નગરી વાપીમાં ફરી એક વખત નશાના કાળા કારોબારનો પર્દાફાશ થયો છે. આ વખતે વાપી જીઆઇડીસી પોલીસે 16 કિલો વનસ્પતિજન્ય ગાંજા સાથે બે આરોપીઓને દબોચી લીધા છે. જી આઇ ડી સી પોલીસના હાથે ઝડપાયેલા આરોપીઓ અન્ય રાજયોમાંથી ગાંજો લાવી અને વાપીના છેવાડાના વિસ્તારમાં અને પડોશી સંઘપ્રદેશ દાદરાનગર હવેલીના સેલવાસમાં વેચતા હોવાનું બહાર આવ્યું છે. આથી પોલીસે 16 કિલો ગાંજો અને અન્ય મુદ્દામાલ સાથે રૂપિયા 1 લાખ 63 હજાર નો મુદ્દામાલ કબજે કરી આરોપીઓ વિરુદ્ધ કાયદેસરની કાર્યવાહી હાથ ધરી છે.
થેલામાં કિમતી સામાન
બનાવની વિગત મુજબ વાપી જીઆઇડીસી પોલીસ હાઇવે પેટ્રોલિંગ કરી હતી, ત્યારે વાપી જીઆઇડીસીના ફર્સ્ટ ફેસના સર્વિસ રોડ પર પોલીસની ટીમ પેટ્રોલિંગ કરી હતી ..ત્યારે રોડની સાઈડમાં ઉભેલી બે શંકાસ્પદ વ્યક્તિ ને જોતા પોલીસે તેઓની શંકાના આધારે પૂછપરછ કરી હતી.. સાથે જ આ બંને વ્યક્તિઓ ની પાસે રહેલા થેલાઓમાં તપાસ કરતાં પોલીસને શંકાસ્પદ વસ્તુ જણાઈ હતી. આથી પોલીસે બેગ સહિત બંને આરોપીઓને જીઆઇડીસી પોલીસ સ્ટેશન પર લાવવામાં આવ્યા હતા ..અને ત્યારબાદ તપાસ કરતા આ વ્યક્તિઓની બેગમાં રહેલો પદાર્થ વનસ્પતિજન્ય ગાંજો હોવાનું બહાર આવ્યું હતું. આથી પોલીસે વજન કરાવી રૂપિયા 1.59 લાખની કિંમતનો 16 કિલો ગાંજો હોવાનું જણાવ્યું હતું. આથી પોલીસે ગાંજાના જથ્થા સાથે ઝડપાયેલા નિશાર અલી અને અમન સીબુ તુરી નામના આરોપીની ધરપકડ હતી.
પકડાયેલા મહોરા, ચહેરા કેટલા ?
વાપી જીઆઇડીસી અને આસપાસના વિસ્તારમાં ગાંજા સહિત અન્ય નશીલા પદાર્થોનો રેકેટને નેસ્ત- નાબૂદ કરવાના પોલીસ દ્વારા પ્રયાસ કરવામાં આવી રહ્યો છે. ત્યારે ફરી એક વખત વાપી જીઆઇડીસી પોલીસે નશાના કાળા કારોબારનો પર્દાફાશ કરી અને બે આરોપીઓની ધરપકડ કરી તેમના વિરુદ્ધ કાયદેસરની કાર્યવાહી હાથ ધરી છે.. જ્યારે આ ષડયંત્રમાં નશા નો સામાન ક્યાંથી આવતો હતો ને કઈ કઈ જગ્યાએ તેને સપ્લાય કરવામાં આવતો હતો ? એ અંગે પોલીસે આરોપીઓની આગવી ઢબે પૂછપરછ શરું કરી છે.