જમ્મૂ-કશ્મીર LOC પર સશત્રદળોનું દબાણ વધતા હવે ડ્રગ્સ માફિયાઓની નજર ગુજરાતના દરિયાકાંઠા પર મંડરાઈ રહી છે. ખાસ કરીને કચ્છ અને જખૌના દરિયાકાંઠા પર. સુરક્ષા એજન્સીઓના જણાવ્યા પ્રમાણે, ખાસ કરીને પાકિસ્તા સાથે સંકળાયેલી ડ્રગ્સ માફિયાની સિન્ડિકેટની કચ્છના દરિયા પર નજર મંડરાયેલી છે.
કારણ કે, LOC પર સેનાની બાજ નજરના કારણે ડ્રગ્સની હેરાફેરી થઈ શકતી નથી. જેથી ડ્રગ્સ માફિયાઓ હવે દરિયાઈ માર્ગે સક્રિય બન્યા છે. જોકે સુરક્ષા એજન્સીઓ પણ આવા માફિયાઓને તેની ઔકાત બતાવવા માટે સક્રિય છે. જે માટે સૌરાષ્ટ્રના સાગર કાંઠાના વિસ્તારોમાં ATS, NCB, કોસ્ટગાર્ડ અને સેન્ટ્રલ IB સહિતની એજન્સીઓ દ્વારા અભિયાન પણ ચલાવવામાં આવી રહ્યું છે.
છેલ્લા થોડા સમયની જ જો વાત કરવામાં આવે તો જખૌથી ડ્રગ્સ હેરાફેરીના 4 પ્રયત્નો નિષ્ફળ બનાવતા કરોડો રૂપિયાનું ડ્રગ્સ પણ ઝડપી પાડવામાં આવ્યું છે. એટલે કે, પાકિસ્તાનમાં બેઠેલા આતંકીઓ હોઈ કે, ડ્રગ્સ માફિયા તેમની દરેક હરકતને નિષ્ફળ બનાવવા માટે આપણા જવાનો અડિખમ છે.