ગુજરાતમાં યુવાધનને ખોખલું કરવા માટે ડ્રગ્સનો કાળો કારોબાર; પાકિસ્તાન-આરબ દેશોમાંથી આવતા ડ્રગ્સના નાણાંનો ઉપયોગ ટેરર ફંડિંગમાં
ગુજરાતમાં ડ્રગ્સનો કાળો કારોબાર
પાકિસ્તાન અને આરબ દેશમાંથી ખેપ
ડ્રગ્સ રેકેટના તાર ટેરર ફંડીગ સુધી -હિમાશું શુક્લ
દેશને બરબાદ કરવા માટે આતંકવાદીઓ એક તીરથી બે શિકાર કરવાનું ષડ્યંત્ર રચી રહ્યા હોવાનું સુરક્ષા એજન્સીઓના ધ્યાનમાં આવ્યું છે. યુવાનોને ડ્રગ્સના રવાડે ચઢાવીને તેમાંથી મળેલા કરોડો રૂપિયાનો આતંકવાદી પ્રવૃત્તિ માટે ઉપયોગ કરવામાં આવે છે, જેના કારણે છાશવારે ને છાશવારે આતંકી પ્રવૃત્તિઓની ઘટનાઓ બની રહી છે. આતંકવાદીઓ સોશિયલ મીિડયાના માધ્યમ દ્વારા દેશના યુવાનોને રૂપિયાની લાલચ આપીને નાની-મોટી ઘટનાઓ કરવા માટેની ટ્રેનિંગ આપી રહ્યા છે, જેથી આગામી દિવસોમાં તેઓ કોઇ ઘટનાને અંજામ આપી શકે. યુવાનો રૂપિયા આપીને ડ્રગ્સનો નશો કરે છે, જે રૂપિયા ક્યાંક ને ક્યાંક આતંકવાદીઓ પાસે જઇ રહ્યા છે.
નશાનો કાળો કારોબાર
અંદાજે ૨૫૦૦ કરોડથી વધુના ચાર જેટલા ડ્રગ્સ સિઝરના કેસમાં વોન્ટેડ શાહિદ કાસમ સુમરાની એટીએસની ટીમે થોડાક સમય પહેલાં દિલ્હી ઈન્ટરનેશનલ એરપોર્ટ પરથી ધરપકડ કરી હતી. એટીએસની તપાસ બાદ એનઆઇએ (નેશનલ ઇન્વેિસ્ટગેશન એજન્સી)એ કરેલી તપાસમાં સુમરાએ ડ્રગ્સની હેરાફેરીમાં મળેલાં નાણાંનો ઉપયોગ આતંકવાદી સંગઠનોને ફન્ડિંગ કરવા માટે કર્યો હોવાની ચોંકાવનારી માહિતી સામે આવી છે. આ સિવાય તે અન્ય આતંકવાદી પ્રવૃત્તિમાં પણ સંડોવાયેલો હોવાનું પોલીસ દ્વારા જાણવા મળ્યું હતું.
સુરક્ષા એજન્સી સતર્ક
આ સિવાય એક જ મહિનામાં એનસીબી (નાર્કોિટક્સ કંટ્રોલ બ્યૂરો) દ્વારા બે અલગ અલગ કેસમાં ૧૧ કરોડ રૂપિયાનું કોકેન જપ્ત કરાયું હતું, જેમાં પણ ટેરર ફન્ડિંગનો ઉપયોગ થતો હોવાનું સામે આવી શકે છે. એનસીબીએ દુબઇથી અમદાવાદ આવેલી ફ્લાઇટમાંથી બે આફ્રિકનને અલગ અલગ સમય પર ઝડપી પાડ્યા હતા, જેઓ ૧૧ કરોડનું કોકેન લાવ્યા હતા. આ સિવાય પણ ડ્રગ્સના અનેક કેસ થયા હતા, જે સીધી રીતે આતંકવાદ સાથે જોડાયેલા હતા. અમદાવાદ સહિત ગુજરાતમાં સતત ઝડપાતાં ડ્રગ્સ કન્સાઈન્મેન્ટથી સુરક્ષા એજન્સીઓ સતર્ક બની છે અને તેમણે સોશિયલ મીડિયા પર બાજનજર રાખવાનું પણ શરૂ કર્યું છે.
એક તીરથી બે શિકાર
દેશને બરબાદ કરવા માટે આતંકવાદીઓએ કોઇ કચાશ બાકી નથી રાખી, ઠેરઠેર આતંકવાદી હુમલા કરાવ્યા. અમદાવાદ સહિત સમગ્ર દેશમાં બોમ્બ બ્લાસ્ટ કરાવ્યા છે. આતંકી હુમલાનો વળતો જવાબ દેશની સુરક્ષા એજન્સીઓએ સારી રીતે આપ્યો છે, પરંતુ ક્યાંક ને ક્યાંક દેશને ઘણું બધું નુકસાન પણ થયું છે. બોમ્બ બ્લાસ્ટ કરાવવાના તેમજ આતંકી હુમલા કરાવવા માટે આતંકી સંગઠનોને કરોડો રૂપિયાનો ખર્ચ થાય છે, જેના કારણે તેઓ ફન્ડિંગ માટે અલગ અલગ પ્રવૃત્તિ કરી રહ્યા છે. આઇએસઆઇ, લશ્કર-એ-તોઈબા, ઇન્ડિયન મુજાિહદ્દીન જેવાં આતંકી સંગઠનો ટેરર ફન્ડિંગ માટે ડ્રગ્સના ધંધા તરફ ઘણા સમયથી વળ્યાં છે. દેશનાં તમામ રાજ્યમાં શાિહદ સુમરા જેવા દેશદ્રોહી લોકોને રૂપિયાની લાલચ આપીને ડ્રગ્સ માિફયા બનાવી રહ્યા છે. શાિહદ સુમરા તેના એજન્ટ મારફતે ગુજરાત સહિત દેશના ખૂણેખૂણે ડ્રગ્સ પહોંચાડે છે અને તેમાંથી જે આવક ઊભી થાય તેને આતંકવાદી સંગઠનોને મોકલી આપવામાં આવે છે. આમ, દેશનું યુવાધન નશાના રવાડે ચઢે છે
અને તેમાંથી મળેલા રૂપિયાને આતંકી પ્રવૃત્તિમાં કામે લગાવાય છે.
હવાલા મારફતે થાય છે કરોડો રૂપિયાની હેરફેર
પાકિસ્તાન તેમજ આરબ દેશમાંથી ડ્રગ્સનો મોટા પ્રમાણમાં જથ્થો શાહિદ સુમરા જેવા ડ્રગ્સ માફિયાઓ મંગાવી રહ્યા છે, જેનો હિસાબ હવાલા મારફતે થાય છે. આ ડ્રગ્સ ગુજરાત સહિત દેશના ખૂણેખૂણે આપી દેવામાં આવે છે અને ત્યારબાદ નાના નાના ડ્રગ્સ ડીલર તેની પૂડી બનાવીને આપવામાં આવે છે
યુવાનોને વેચી દેતા હોય છે.
ડ્રગ્સ ડીલર પહેલાં રૂપિયા હવાલા મારફતે મોટા ડ્રગ્સ ડીલરને આપી દે છે અને ત્યારબાદ મોટા ડ્રગ્સ ડીલર, જેમ કે સુમરા જેવા દુબઇ હવાલા મારફતે રૂપિયા મોકલાવે છે અને ત્યારબાદ દુબઇથી રૂપિયા પાકિસ્તાન પહોંચે છે. સુમરાએ દુબઇમાં રહીને ડ્રગ્સનાે કારોબાર સેટ કર્યો હતો અને ત્યારબાદ તેની ધરપકડ થઇ હતી. પોલીસસૂત્રોના જણાવ્યા અનુસાર રપ૦૦ કરોડનું ડ્રગ્સ જપ્ત થયું તેના કરતાં વધુ ડ્રગ્સ આવીને નાના નાના ડીલરો સુધી પહોંચી પણ ગયું છે.
એટીએસના ડીઆઇજી હીમાંશુ શુક્લાએ જણાવ્યું છે કે એટીએસએ કરેલા અનેક ડ્રગ્સના કેસોના તાર આતંકી પ્રવૃત્તિઓ સાથે સંકળાયેલા હોવાનું સામે આવ્યું છે. તાજેતરમાં શાિહદ સુમરાની ધરપકડ બાદ એનઆઇએએ પણ તેની પૂછપરછ કરી હતી, જેમાં તેના આતંકવાદી સંગઠન સાથે સંબંધો હોવાનું પણ સામે આવ્યું છે. સુમરા તેની ગેંગ સાથે મળીને ડ્રગ્સમાં જે કમાણી કરતો હતો તેનો ઉપયોગ આતંકવાદીઓ ટેરર ફન્ડિંગમાં કરતા હતા.
સોશિયલ મીડિયાની મદદથી યુવકોને આતંકવાદી બનાવાયા
અમદાવાદ ક્રાઇમ બ્રાંચે થોડા સમય પહેલાં એક કેસનો પર્દાફાશ કર્યો હતો, જેમાં કેટલાક યુવકોએ રૂપિયાની લાલચમાં એક દુકાનમાં આગ લગાવી હતી. આગ લગાવવા પાછળ સોશિયલ મીિડયા દ્વારા કેટલાક લોકોએ તે યુવકોને રૂપિયા આપવાની લાલચ આપી હતી અને ગુનાખોરીનું આ કામ કરાવ્યું હતું. યુવકોને એક કામ કરવાના લાખો રૂપિયા મળ્યા હતા, જે મુંબઇથી હવાલા મારફતે આવ્યા હતા. આમ, સોશિયલ મીિડયામાં યુવકોને આતંકવાદી બનાવવા માટેનું પણ ષડ્યંત્ર ચાલી રહ્યુ છે, જેમાં ડ્રગ્સ માિફયા ફન્ડિંગ કરી રહ્યા છે. સુરક્ષા એજન્સીઓ આવી તમામ હરકતોને રોકવા સોશિયલ મીડિયા પર બાજનજર રાખી રહી છે.