બૉલીવુડ એક્ટર એઝાઝ ખાનની નારકોટિક્સ કંટ્રોલ બ્યૂરો(NCB)એ મોડી રાત્રે ધરપકડ કરી લીધી. એઝાઝ સાથે NCBએ કલાકો સુધી પૂછપરછ કરી હતી.
ડ્રગ્સ કેસમાં NCBએ એક્ટર એઝાઝ ખાનની કરી ધરપકડ
એઝાઝ સાથે ગઇકાલે NCBએ કલાકો સુધી પૂછપરછ કરી
ફારૂખ બટાટા સાથે 8 કલાક સુધી પૂછપરછ
NIAને શંકા છે કે એઝાઝ ખાન, ડ્રગ્સ લૉર્ડ ફારૂખ બટાટા અને તેમના દીકરા શાદાબ બટાટા સાથે કામ કરે છે અને ડ્રગ સિન્ડિકેટનો ભાગ છે. એઝાઝ સાથે ગઇકાલે NCBએ કલાકો સુધી પૂછપરછ કરી હતી. ત્યારબાદ તેની ધરપકડ કરી લેવામાં આવી હતી.
NCB has arrested Actor Ajaz Khan, after 8 hours of interrogation in connection with a drug case: Narcotics Control Bureau
આ પહેલા NCBએ ડ્રગ્સ લૉર્ડ ફારૂખ બટાટા સાથે અંદાજિત 8 કલાક સુધી પૂછપરછ કરી અને બાદમાં જવા દીધો. ફારૂખના દીકરા શાદાબની ગત અઠવાડિયે જ NCBએ એક દરોડા દરમિયાન ધરપકડ કરી હતી. તેની પાસેથી અંદાજિત 2 કરોડ રૂપિયાના ડ્રગ્સની ખેપ મળી આવી હતી. શાદાબ સાથે પૂછપરછ દરમિયાન કેટલાક સેલિબ્રિટીના નામ સામે આવ્યા હતા.
એઝાઝ ખાન મંગળવારે રાજસ્થાનથી જેવો મુંબઈ લેન્ડ થયો, તેને NCBએ નોટિસ આપતા કસ્ટડીમાં લઇ લીધો. NCBએ એઝાઝને લઇને અંધેરી અને લોખંડવાલાના કેટલા ઠેકાણાઓ પર દરોડા પાડ્યા. જોકે, હજુ સુધી સ્પષ્ટ નથી થયું કે દરોડા દરમિયાન ડ્રગ્સ મળી આવ્યું છે કે નહીં, પરંતુ દરોડા બાદ એઝાઝ ખાનની ધરપકડ કરી લેવામાં આવી.