ગુજરાતમાં ડ્રગ્સનું નેટવર્ક પંજાબથી ચાલતુ હોવાનું માનવામાં આવે છે. વડોદરા જિલ્લા SOGએ માહિતીના આધારે વડોદરાના દુમાડ નજીકથી હેરોઇનના જથ્થા સાથે બે કેરિયરની ધરપકડ કરી
વડોદરા દુમાડ ચોકડીથી હેરોઇ સાથે બે શખ્સ ઝડપાયા
7 ગ્રામ હેરોઇન સાથે બે પંજાબી શખ્સ ઝડપાયા એક ફરાર
ચટ્ટા અને સામાન જેવા કોડવર્ડ થી દ્રગ્સનું ચાલતુ નેટવર્ક
ડ્રગ્સ નેટવર્કની SOGને માહિતી મળી
વડોદરા SOGને સતનામસિંગ નરનજનસિંગ સંધુ તથા પરગટસિંઘ વડોદરા શહેરમાં ડ્રગ્સનું નેટવર્ક ચલાવી રહ્યાં હોવાની માહિતી જિલ્લા SOGને મળી હતી. આ માહિતીના આધારે જિલ્લા SOGની ટીમ નેશનલ હાઇવે નં-48 પરની દુમાડ ચોકડી પાસે વાહન ચેકિંગમાં ગોઠવાઇ ગઇ હતી.
પોલીસે ડ્રગ્સ સાથે બે આરોપીની ધરપકડ કરી
દરમિયાન, માહિતી મુજબની બાઇક પર સવાર બે વ્યક્તિ પોલીસની નજરે ચઢતા તેમને રોકી તપાસ કરતા તેઓ પાસેથી 7 ગ્રામ 300 મિલીગ્રામ આલ્કેલોઇડ (હેરોઇન) મળી આવતા સુરજીતસિંગ અને સતનામસિંગને દબોચી લેવામાં આવ્યાં હતા. જ્યારે આ નેટવર્કમાં શામેલ અન્ય એક સાગરીત પરગટસિંઘની પોલીસે શોધખોળ હાથ ધરી છે. પોલીસનું માનવું છે કે, ડ્રગ્સના કાળા કારોબારનુ નેટવર્ક પંજાબથી ચાલી રહ્યું છે.
નશીલા દ્રવ્યો માટે કોડનો ઉપગોગ કરતો હતો
14 ફેબ્રુઆરી એટલે કે, વેલેન્ટાઇન-ડે જેવા દિવસોમાં ડ્રગ્સનો કાળો કરોબાર ચલાવતા અને ડ્રગ્સના બંધાણી યુવાનો આ દિવસે ડ્રગ્સનું વધુ સેવન કરશે તેવુ માની સતનામસિંહ સંધુ અને પરગટસિંઘ હેરોઇનનો જથ્થો પંજાબથી લઇ વડોદરા આવ્યો હતો અને તે વડોદરાના યુવાનોને ડ્રગ્સ પુરૂ પાડી તેમને બંધાણી બનાવી રહ્યો હતો. ડ્રગ્સનું નેટવર્ક ચલાવતો હતો. ડ્રગ્સ લેવા આવતા યુવાનો “ચટ્ટા, સામાન” જેવા જુદા-જુદા કોડનો ઉપયોગ કરી ડ્રગ્સ મેળવી તેનું સેવન કરતા હતા. હાલ પોલીસે બંને આરોપીઓ સામે ગુનો નોંધી વધુ કાર્યવાહી હાથ ધરી છે.