VIDEO / સેન્ટ્રલ વિસ્ટા એવન્યૂ: નવા બનેલા કર્તવ્ય પથની એક ઝલક જોઈ ખુશ થઈ જશો, વીડિયોમાં જુઓ અદ્ભૂત નજારો

• પ્રધાનમંત્રી મોદી આવતીકાલે કરશે સેન્ટ્રલ વિસ્ટાનું ઉદ્ધાટન
• દિલ્હી નગર પરિષદે વીડિયો શેર કરી લુક બતાવ્યો
• આ વીડિયોમાં સેન્ટ્રલ વિસ્ટાની કેવી કાયાપલટ થઈ છે તે દેખાશે

નવી દિલ્હી નગર પરિષદ (NDMC) એ નવા સંશોધિત સેન્ટ્રલ વિસ્ટાનો ડ્રોન વીડિયો શેર કર્યો છે. આ ડ્રોન વીડિયોમાં સંશોધિત સેન્ટ્રલ વિસ્ટાની હવાઈ મુસાફરી કરાવી છે અને પુનર્વિકસિત કર્તવ્ય પથની એક ઝલક દેખાડી છે. 

આપને જણાવી દઈએ કે, પ્રધાનમંત્રી નરેન્દ્ર મોદી 08 સપ્ટેમ્બરના રોજ સેન્ટ્રલ વિસ્ટા એવન્યૂના કર્તવ્ય પથનું ઉદ્ધાટન કરશે. જો કે, તેનું નામ બદલવાને લઈને વિપક્ષી પાર્ટીઓએ વાંધો ઉઠાવ્યો છે, જેને લઈને વિવાદ ઊભો થયો છે. 

વીડિયોમાં શું બતાવ્યું છે

નવી દિલ્હી નગર પરિષદે નવા સંશોધિત સેન્ટ્રલ વિસ્ટાનો ડ્રોન વીડિયો શેર કર્યો છે. આ વીડિયોમાં સંશોધિત સેન્ટ્રલ વિસ્ટાની અંદરનો વીડિયો બતાવ્યો છે. વીડિયોમાં એ પણ બતાવ્યું છે કે, નવા સંશોધિત સેન્ટ્રલ વિસ્ટના રસ્તા, બગીચાઓ અને સરકારી કાર્યલાયો કેવા હશે. 

જ્યારે આ ડ્રોન વીડિયો શરુ થાય છે તો નવા સંશોધિત સેન્ટ્રલ વિસ્ટા ઉપર ઉપરથી પસાર થાય છે અને તેમાં ઝરણા, ઝાડ છોડ સાથે સાથે કેન્દ્રીય સચિવાલયો અને કેટલાય અન્ય સરકારી કાર્યાલયો દેખાય છે. અહીં પણ આપને જોવા મળશે.

8 સપ્ટેમ્બરે પીએમ મોદી કરશે ઉદ્ધાટન

પ્રધાનમંત્રી નરેન્દ્ર મોદી ગુરુવારે કર્તવ્ય પથનું ઉદ્ધાટન કરશે અને ઈંડિયા ગેટ પર સ્વતંત્રતા સેનાની નેતાજી સુભાષ ચંદ્ર બોસની પ્રતિમાનું અનાવરણ કરશે. આ જાણકારી પ્રધાનમંત્રી કાર્યાલય તરફથી બુધવારે એક નિવેદન જાહેર કરીને આપવામાં આવી છે.