ગઈકાલે એરબેઝ પર ડ્રોન હુમલાની ઘટના બાદ આજે ફરીએકવાર મિલિટ્રી સ્ટેશન પર ડ્રોન દેખાતા ખળભળાટ મચ્યો હતો.
શાંતિ ડહોળવાનો વધુ એક પ્રયાસ
જમ્મૂ-કશ્મીરમાં ફરી દેખાયું ડ્રોન
કાલૂચક મિલીટ્રી સ્ટેશન ઉપર ડ્રોન દેખાયું
મળતી જાણકારી પ્રમાણે, જમ્મુના કાલૂચક મિલિટ્રી સ્ટેશન પર 3 વાગ્યા આસપાસ ડ્રોન જોવા મળ્યું હતું. જો કે,સેના એલર્ટ હોવાને કારણે ડ્રોનને જોતા જ જવાનોએ 20થી 25 રાઉન્ડ ફાયર કર્યા હતા.
સેના દ્વારા સર્ચ ઓપરેશન હાથ ધરાયું
ડ્રોન જોયા બાદ સમગ્ર વિસ્તારમાં સેના દ્વારા સર્ચ ઓપરેશન ચલાવવામાં આવી રહ્યું છે. સૈન્યના જવાનો કેમ્પમાં અને તેની આસપાસની જગ્યા શોધી રહ્યા છે જ્યાં ડ્રોન પડી શકે છે. કારણ કે એવું માનવામાં આવે છે કે જો ડ્રોનને ગોળી ચલાવવામાં આવી હોત તો તે નીચે પડી હોય. તેથી તેની શોધ ચાલુ છે.
શનિવારે મોડી રાતે એરબેઝ પર થયો હતો ડ્રોન હુમલતો
જમ્મૂ કશ્મીરમાં આવેલ એરફોર્સ સ્ટેશન પર શનિવારે મોડી રાતે બે બ્લાસ્ટ થયા હતા. જે મામલે એક આંતકીની ધરપકડ કરવામાં આવી છે. બ્લાસ્ટ ડ્રોનની મદદ કરવામાં આવ્યા હોય તેવી આશંકા સેવાઈ રહી છે. જમ્મૂમાં આવેલ એરફોર્સ સ્ટેશન પર ગત 5 મિનિટના અંતરે બે બ્લાસ્ટ થયા હતા. આ વાતની જાણ થયા બાદ એનઆઈએની ટીમ તપાસ માટે એરફોર્ટ સ્ટેશન પોહચી ચુકી છે. સમગ્ર મામલે જમ્મૂ-કશ્મીર પોલીસે યુપીએ હેઠળ કેસ ફાઈલ કર્યો છે. આ બ્લાસ્ટમાં બે લોકો સામાન્ય ઘાયલ થયા હોવાનું સામે આવ્યું છે.
સ્ટેશન પરના બેરેકને નુકશાન
સ્ટેશન પરના બે બેરેકને નુકશાન પહોચ્યું છે. સૂત્રો દ્વારા એવી માહિતી સામે આવી છે કે વિસ્ફોટક સામગ્રી ઈમારતના ધાબા પર પડી હતી. જેના કારણે બેરેક પૂરી રીતે ડિસ્ટ્રોય થઈ ગયું. જોકે બીજો બ્લાસ્ટ ઈમારતની સાથે ઓપન એરિયામાં થયો હતો, તેવી માહિતી સામે આવી છે.
ડ્રોનથી બ્લાસ્ટ થયા હોવાની આશંકા
સૂત્રો દ્વારા મળતી માહિતી અનુસાર જમ્મૂ ટેકનિકલ એરપોર્ટ પર જે બે બ્લાસ્ટ થયા છે. તે બ્લાસ્ટ ડ્રોનની મદદથી કરવામાં આવ્યા હોય તેવી આશંકા સેવાઈ રહી છે. બંને ધડાકા એયરપોર્ટની અંદર થયા છે. જેથી એવું માનવામાં આવી રહ્યું છે કે અહીયા ડ્રોન દ્વારા LED નાખવામાં આવ્યા હશે.
પાકિસ્તાન સામે શંકાની સોય
ડ્રોનના ઉપયોગથી બ્લાસ્ટની ખબર સાંભળીને પાકિસ્તાન સામે શંકા સેવાઈ રહી છે. આ ઘટનાને કારણે શ્રીનગર અને પંજાબના પઠાનકોટ સ્થિત એરફોર્સ પર હાઈ એલર્ટ આપી દેવામાં આવ્યું છે. સાથેજ જમ્મૂમાં એક આંતકીની પણ ધરપકડ કરવામાં આવી છે. જેની પાસેથી વિસ્ફોટક સામગ્રીઓ મળી આવી છે.