જમ્મુ કાશ્મીર / રશિયા-યુક્રેન યુદ્ધ વચ્ચે ભારતની બોર્ડર પર અવળચંડાઇથી ખળભળાટ, સેનાના જવાનો થયા ઍલર્ટ 

• ભારત-પાકિસ્તાન આંતર રાષ્ટ્રીય સરહદ પર ડ્રોન દેખાયા 
• સુરક્ષા દળના જવાનોને ડ્રોન ફાયરિંગ કરતાં ગાયબ થઈ ગયું 
• BSFએ ડ્રોન અવેરનેસ પ્રોગ્રામ્સ દ્વારા લોકોને પ્રશિક્ષિત કર્યા  

ભારત-પાકિસ્તાન આંતરરાષ્ટ્રીય સરહદે અરનિયા વિસ્તારમાં ડ્રોન દેખાયા બાદ સર્ચ ઓપરેશન શરૂ કરવામાં આવ્યું હતું. સુરક્ષા દળો ઉપરાંત અન્ય એજન્સીઓ સમગ્ર વિસ્તારમાં તપાસ કરી રહી છે. પોલીસ અધિકારીઓના જણાવ્યા અનુસાર આ વિસ્તારમાં તમામ સુરક્ષા વ્યવસ્થા સઘન કરી દેવામાં આવી છે. આ પહેલા પણ આ વિસ્તારમાં ડ્રોન જોવાની ઘટનાઓ બની ચૂકી છે.

સુરક્ષા દળના જવાનોને બોર્ડર પર  ડ્રોન દેખાતા ફાયરિંગ કર્યું 

ગુરુવારે સીમા સુરક્ષા દળના જવાનોને આંતરરાષ્ટ્રીય બોર્ડર પર સ્થિત બીઓપી બિક્રમ અને જાબોવલ વચ્ચે ડ્રોન દેખતા પર ફાયરિંગ કર્યું હતું. જે બાદ ડ્રોન ગાયબ થઈ ગયું હતું. આ પહેલા ડ્રોન 7 જાન્યુઆરીએ ડોમના પૌની ચક વિસ્તારમાંથી મળી આવ્યું હતું. પોલીસે તેને કસ્ટડીમાં લઈને તપાસ શરૂ કરી હતી. ડ્રોન મળ્યા બાદ પોલીસે તેની મદદથી કોઈ હથિયાર કે નશો તો છોડ્યો છે કે કેમ તે જાણવા માટે સમગ્ર વિસ્તારમાં સર્ચ ઓપરેશન શરૂ કર્યું હતું. પાકિસ્તાન સાથેની 198 કિમી લાંબી સરહદે રહેતા લોકો પાકિસ્તાન તરફથી ડ્રોનની ગતિવિધિઓ પર ચાંપતી નજર રાખીને BSFને મદદ કરી રહ્યા છે.

BSF એ ભારત-પાક સરહદે ડ્રોન અવેરનેસ પ્રોગ્રામ્સ દ્વારા લોકોને પ્રશિક્ષિત કર્યા છે.

BSF એ ભારત-પાક સરહદે ડ્રોન પ્રવૃત્તિઓના વિવિધ પાસાઓ પર 140 થી વધુ ડ્રોન અવેરનેસ પ્રોગ્રામ્સ (ડીએપી) દ્વારા લોકોને પ્રશિક્ષિત કર્યા છે. આંતરરાષ્ટ્રીય સરહદે આરએસ પુરા, અખનૂર અને અરનિયા સેક્ટરમાં સરહદી વસાહતોમાં ઓપરેશન તરીકે ડ્રોન પ્રવૃત્તિઓને વિગતવાર સમજાવવામાં આવી હતી.