જમ્મૂ / પાકિસ્તાનની વધુ એક નાપાક કરતૂત, જમ્મુમાં 4 સંદિગ્ધ ડ્રોન દેખાતા સેના એક્શનમાં

• જમ્મૂ કાશ્મીરના અલગ અલગ વિસ્તારોમાં દેખાયા 4 ડ્રોન
• પોલિસે ડ્રોન પર કર્યું ફાયરિંગ
• ડ્રોન પરત ફર્યા

જમ્મૂ કાશ્મીરમાં ગઈકાલે રાતે ફરી એક વાર ડ્રોન દેખાવવાની સૂચના મળી છે. અહીં રાતના સમયે લગભગ 9 વાગે 4 ડ્રોન દેખાયા હતા. જમ્મૂમાં રાતે 8-9 વાગ્યાની આસપાસ 4 જગ્યાઓએ શંકાસ્પદ અવસ્થામાં ડ્રોન જોવા મળ્યા. આ ડ્રોન સાંબાના નંદપુર, હીરાનગર અને જમ્મૂના મીરસાહેબ અને સતવારીમાં જોવા મળ્યા હતા. નંદપુરમાં તો સેનાએ ડ્રોન પર ફાયરિંગ પણ કર્યું હતું. 

કયા વિસ્તારોમાં કેટલા વાગે દેખાયા ડ્રોન
મળતી માહિતિ અનુસાર 8.10 મિનિટે મીર સાહિબમાં, સવા આઠ વાગે નંદપુરમાં, 8.40 મિનિટે હીરાનગરમાં અને પોણા નવ વાગે જમ્મૂના સતવારીમાં ડ્રોન જોવા મળ્યું હોવાનું સામે આવ્યું છે.  

બુધવારે પણ જોવા મળ્યા હતા ડ્રોન
આ પહેલા જમ્મૂમાં બુધવારે રાતે એકવાર ફરી ડ્રોન જોવા મળ્યા. આ ડ્રોન જમ્મૂમં વાયુસેના સ્ટેશનની પાસે જોવા મળ્યા હતા. મંગળવારે પણ આંતરરાષ્ટ્રીય સીમાની પાસે અરનિયા સેક્ટરમાં ડ્રોન દેખાયું હતું.  

શું કહે છે બીએસએફ
તેઓએ કહ્યું કે 13-14 જુલાઈની રાતે અરનિયા સેક્ટરમાં રાતે લગભગ 9.52 મિનિટે જવાનોએ લગભગ 200મીટરની ઉંચાઈ પર ચમકતી લાલ લાઈટ જોઈ. સૈનિકોએ તેની તરફ નિશાન સાધ્યું અને ગોળીબારી કરતા તે પરત ફરી ગયું હતું. 

J&K | On intervening night of July 13-14th, a blinking red light was observed by troops in Arnia sector. Alert troops fired from their position towards red blinking light, due to which it returned back. The area being searched. Nothing found so far: Border Security Force (BSF)

— ANI (@ANI) July 14, 2021

સીમા પર હલચલ થઈ ઝડપી 
27 જૂનના રોજ જમ્મૂ એરફોર્સ સ્ટેશન પર 2 બોમ્બ વિસ્ફોટ થયા હતા. સુરક્ષા એજન્સીઓને શંકા હતી કે ડ્રોનની મદદથી એરફોર્સ સ્ટેશન પર આ હુમલો કરાયો હતો.  જમ્મૂમાં એરફોર્સ સ્ટેશન પર થયેલા ડ્રોન હુમલાને લઈને તેની પર સીમા પર પાકિસ્તાનની ઘુસપેઠની કોશિશની વચ્ચે સેનાએ પાકિસ્તાનની પાસે આવેલા એલઓસી પર સેના વધારી છે.