સાઉદી અરબના સરકારી માધ્યમોએ ગૃહ મંત્રાલયના માધ્યોમોએ જણાવ્યું કે, શનિવારે સાઉદી અરામકોના બે પ્લાન્ટમાં શનિવારે સવારે ડ્રોન હુમલા બાદ વિસ્ફોટ સાથે આગ ફાટી નીકળી હતી. હુમલા બાદ આગ ફાટી નીકળવાને પગલે જ્વાળાઓ દૂર સુધી દેખાતી હતી. આ પ્લાન્ટ સાઉદી અરેબિયાની રાજધાની રિયાધથી 330 કિલોમીટર દૂર આવેલ છે.
સાઉદી અરબના તેલ ઉત્પાદક કંપની પર ડ્રોન વડે હુમલો
2 પ્લાન્ટને મોટું નુકસાન
મુકેશ અંબાણીની RIL માં અરામકો ધરાવે છે ભાગીદારી
અરામકોના 2 પ્લાન્ટ પર ડ્રોન વડે હુમલો
સાઉદી અરેબિયાની સત્તાવાર પ્રેસ એજન્સીએ જણાવ્યું કે, રાજ્યના પૂર્વીય પ્રાંતમાં હુમલા બાદ તપાસ શરૂ કરવામાં આવી છે. પરંતુ હજી સુધી ડ્રોનના સ્ત્રોતની જાણકારી મળી શકી નથી.
કંપની દ્વારા કોઇપણ પ્રકારની સત્તાવાર જાહેરાત કરાઇ નથી
નોંધનીય છે કે, ગયા મહિને યમનના હૂતી વિદ્રોહીઓ દ્વારા કરવામાં આવેલ એક હુમલાથી શાયબા પ્રાકૃતિક ગેસ દ્વવીકરણ સુવિધામાં આગ લાગી હતી. પરંતુ કંપની દ્વારા કોઇપણ પ્રકારની દુર્ઘટના અંગેની સૂચના આપવામાં આવેલ નથી.
મુકેશ અંબાણી ધરાવે છે પાર્ટનરશીપ
આપને જણાવી દઇએ કે, સાઉદી અરામકો સાઉદી અરબની રાષ્ટ્રીય પેટ્રોલિયમ અને પ્રાકૃતિક ગેસ કંપની છે. આ રાજસ્વના મામલામાં દુનિયાના કાચા તેલની સૌથી મોટી કંપની છે. તાજેતરમાં જ ભારતીય ઉદ્યોગકાર મુકેશ અંબાણીની રિલાયન્સ ઇંડસ્ટ્રી લિમિટેડે અરામકોને પોતાના પેટ્રોકેમિકલ બિઝનેસની 20 ટકા ભાગીદારી વહેંચવાનો નિર્ણય લીધો છે.
દરરોજ 70 લાખ બેરલ ક્રૂડ ઓઇલનું કરે છે પ્રોસેસિંગ
અરામકો પાસે વિશ્વનો સૌથી મોટો ક્રૂડ ઓઇલ પ્રોસેસિંગ પ્લાન્ટ આવેલો છે. અહીં ખરાબ ક્રૂડને પણ સ્વીટ ક્રૂડમાં તબદીલ કરવામાં આવે છે. ત્યારબાદ ક્રૂડને કેટલાય દેશોમાં નિકાસ કરવા માટે મોકલવામાં આવે છે. એક અનુમાન મુજબ અરામકો એક દિવસમાં 70 લાખ બેરલ ક્રૂડ પ્રોસેસ કરતી કંપની છે.