સાઉદી અરેબિયાના એક એરપોર્ટ પર ડ્રોનથી હુમલો કરતા ખળભળાટ મચ્યો છે. ડ્રોન હુમલામાં 8 લોકો ઘાયલ થયા છે તથા પ્લેનને પણ નુકશાન થયું છે.
સાઉદી અરેબિયાના એરપોર્ટ પર ડ્રોન હુમલો
ડ્રોન હુમલામાં 8 લોકો ઘાયલ થયા
એરપોર્ટ પર ઊભેલા એક પ્લેનને પણ મોટું નુકશાન થયું
યમનમાં હૌથી વિદ્રોહીઓ અને સાઉદી અરબની સેના વચ્ચે ચાલી રહેલો યુદ્ધનો પડઘો સાઉદી અરબમાં પડ્યો છે. આતંકીઓએ સાઉદી અરબના એરપોર્ટ પર ડ્રોનથી હુમલો કર્યો છે જેમાં 8 લોકો ગંભીર રીતે ઘાયલ થયા છે. ડ્રોન હુમલામાં એક પ્રવાસી વિમાનને પણ મોટું નુકશાન પહોંચ્યું છે.
છેલ્લા ચોવીસ કલાકમાં બીજી વાર ડ્રોન હુમલો કરાયો
ઉલ્લેખનીય છે કે છેલ્લા ચોવીસ કલાકમાં બીજી વાર ડ્રોન હુમલો કરાયો છે.
કેમ હુમલો કરાયો
સાઉદી અરેબિયાની સેના યમનમાં હૌથી આતંકીઓની સામે લડી રહ્યું છે. સાઉદી અરબની સેનાએ આતંકીઓને મોટાપાયે નુકશાન પહોંચાડ્યું હતું. આ વાતનો બદલો લેવા માટે હૌથી આતંકીઓએ સાઉદીના એરપોર્ટને નિશાન બનાવ્યું હતું. તથા 24 કલાકમાં બીજી વાર હુમલો કરીને તેનો પાવર દેખાડી દીધો હતો.
યમન ઘણા લાંબા સમયથી ગૃહયુદ્ધનો સામનો કરી રહ્યું છે. હૌથી બળવાખોરોએ યમનની રાજધાની સના પર કબજો કરી લીધો. પછી મોટાભાગના વિસ્તારો પર તેમનું રાજ આવી ગયું છે. યમનમાં, સાઉદી અરેબિયાની આગેવાની હેઠળના ગઠબંધન દેશોની સેનાઓ હૌતી વિદ્રોહીઓ સાથે યુદ્ધ લડી રહી છે. આ યુદ્ધ દરમિયાન યમનમાં 130,000 લોકો માર્યા ગયા છે. ઘણા આંતરરાષ્ટ્રીય સંગઠનોએ દાવો કર્યો છે કે મૃતકોમાં મોટાભાગના બાળકો અને મહિલાઓનો સમાવેશ થાય છે. આ યુદ્ધે યમનમાં વિશ્વના સૌથી ખરાબ માનવીય સંકટને જન્મ આપ્યો છે. આ બળવાખોરો યમન સરહદ પરથી સાઉદી અરેબિયાના ઓઇલ ડેપો અને રિફાઇનરીઓ પર ડ્રોન અને મિસાઇલ હુમલા ચાલુ રાખે છે.
હત્યારાઓને તાલિબાનની સજા
જૂનમાં, યમનની રાજધાની સનામાં ઈરાન સમર્થિત હૌતી વિદ્રોહીઓએ બાળકોના હત્યારાઓને તાલિબાનની સજા આપી હતી. આ બળવાખોરો, જેમણે રાજધાની સના પર કબજો કર્યો હતો, તે ત્રણેય આરોપીઓને ગીચ ચોકમાં લઈ ગયા અને તેમને ગોળી મારી દીધી. મૃત્યુ પછી, આ લોકોના મૃતદેહને કાર્પેટમાં લપેટીને ત્યાંથી દૂર કરવામાં આવ્યા હતા. આ દરમિયાન તૈનાત સુરક્ષાકર્મીઓ તે આરોપીઓ પર હસી રહ્યા હતા.