કેન્દ્રીય માર્ગ અને પરિવહન મંત્રી નીતિન ગડકરીએ જણાવ્યું કે દેશમાં હવે ગાડી ચલાવતી વખતે ફોન પર વાત કરવી ગુનો નહીં ગણાય.
કેન્દ્રીય માર્ગ અને પરિવહન મંત્રી નીતિન ગડકરીની જાહેરાત
દેશમાં હવે ગાડી ચલાવતી વખતે ફોન પર વાત કરવી ગુનો નહીં ગણાય
ચાલુ વાહને હેન્ડ્સ ફ્રી પર વાત કરશો તો ગુનો નહીં
હેન્ડ્સ ફ્રી વગર વાત કરવી ગુનો ગણાશે
ચાલુ વાહને ફોન કરવાને લઈને કેન્દ્ર સરકારે નિયમો બનાવ્યાં છે. લોકસભામાં કેન્દ્રીય માર્ગ અને પરિવહન મંત્રી નીતિન ગડકરીએ આ વાતની જાહેરાત કરી છે. તેમણે કહ્યું કે હવે ટૂંક સમયમાં ડ્રાઈવિંગ વખતે મોબાઈલ પર વાત કરવી કાનૂની ગણાશે તેને માટે નવા નિયમો બનાવાયા છે.
કેટલાક નિયમોનું કરવું પડશે પાલન
માર્ગ અને પરિવહન મંત્રી નીતિન ગડકરીએ જણાવ્યું કે સરકારે હવે ચાલુ વાહને ફોન પર વાત કરવાને ગુનાની કેટગરીમાંથી બહાર રાખ્યું છે. જોકે તેનો અર્થ એવો નથી કે ગાડી ચલાવતી વખતે ફોન પર વાત કરવી. જો તમે બીજા નિયમોનું પાલન કરો તો તમે મોબાઈલ પર વાત કરી શકો છો. ગડકરીએ કહ્યું કે ફોન પર વાત કરવા માટે હવે કેટલાક નિયમોનું પાલન કરવું પડશે.
હેન્ડ્સ ફ્રી હશે તો જ ચાલુ વાહને મોબાઈલ પર વાત કરી શકાશે
ગડકરીએ કહ્યું કે જ્યારે મોબાઈલ ફોનમાં હેન્ડ્સ ફ્રી હશે ફક્ત તેવા કિસ્સામાં જ ચાલુ વાહન વાત કરી શકાશે. અર્થાત તો તમે હે્ન્ડ્સ ફ્રી પર વાત કરતા હશો તો તમારુ ચાલાણ નહીં કપાય. તે ઉપરાંત ફોન કારમાં ન હોવો જોઈએ. હેન્ડ્સ ફ્રી પર વાત કરવા માટે ફોન પાકીટમાં રાખવો પડશે.
આવા કિસ્સામાં પોલીસ ચાલાણને કોર્ટમાં પડકાર શકાય
નીતિન ગડકરીના નિવેદનનો એવો અર્થ કે જો હેન્ડ્સ ફ્રી પર વાત કરતી વખતે જો પોલીસ તમારુ ચાલાણ કાપે તો તેને તમે કોર્ટમાં પડકારી શકો છો. ગડકરીએ કહ્યું કે જો ડ્રાઈવર ફોન પર હેન્ડ્સ ફ્રીના માધ્યમથી વાત કરે તો તેને હવે દંડનીય અપરાધ નહીં ગણાય. આ સ્થિતિમાં ટ્રાફિક પોલીસ ચાલાણ નકીં કાપે. જો આવા કિસ્સામાં પોલીસ ચાલાણ કાપે તો તેને કોર્ટમાં પડકારી શકાય છે.
ડ્રાઈવિંગને લઈને નવા નિયમ
દેશમાં ટૂંક સમયમાં મોબાઈલ પર વાત કરવી ગણાશે કાનૂની
હેન્ડ્સ ફ્રી સાથે ચાલુ વાહને મોબાઈલ પર વાત કરી શકાશે
મોબાઈલ કારમાં નહીં પોકેટમાં હોવો જોઈએ
પોલીસ દ્વારા ચાલાણ કપાશે તો તેને કોર્ટમાં પડકારી શકાશે
ઉલ્લેખનીય છે કે સપ્ટેમ્બર 2021માં માર્ગ અને પરિવહન મંત્રાલયે કહ્યું હતું કે ગાડી ચલાવતી વખતે ડ્રાઈવર ફક્ત નેવિગેશન માટે ફોનનો ઉપયોગ કરી શકે છે અને તેમાં પણ એવી સ્થિતિમાં કે જ્યારે ગાડી ચલાવતી વખતે ડ્રાઈવરનો ધ્યાનભંગ ન થાય.