સડક અને પરિવહન મંત્રાલયે ડ્રાઈવિંગ લાયસન્સ બનાવવાથી લઈને આ તમામ કામ ઓનલાઈન કર્યા છે. હવે આરટીઓ જવાની જરૂર નહીં રહે.
Driving License બનાવવા માટે હવે RTO જવાની નહીં રહે
ઓનલાઈન થશે ટેસ્ટ, જાણો પ્રોસેસ
આ કામની મુદતમાં પણ કરાયો વધારો
Driving Licenseની પ્રક્રિયા છે ઓનલાઈન
આ નવા નિયમ અનુસાર લર્નિંગ લાયસન્સ મેળવવાની પ્રક્રિયા ઓનલાઈન રહેશે. એટલે કે એપ્લીકેશનથી લઈને લાયસન્સની પ્રિન્ટિંગ પ્રોસેસ પણ ઓનલાઈન રહેશે. આ સાથે જ ઈલેક્ટ્રોનિક સર્ટિફિકેટ અને ડોક્યૂમેન્ટનો ઉપયોગ મેડિકલ સર્ટિફિકેટ્સ, લર્નર લાયસન્સ, ડ્રાઈવિંગ લાયસન્સ સરેન્ડર અને તેના રીન્યુઅલને માટે કરી શકાશે.
RC રીન્યુઅલમાં મળી છે રાહત
ધ્યાન આપવાની વાત એ છે કે આ ગાઈડલાઈન પાછળનો હેતુ છે નવી ગાડીના રજિસ્ટ્રેશનની પ્રક્રિયાને સરળ કરી શકાય. રજિસ્ટ્રેશન સર્ટિફિકેટનું રીન્યુઅલ હવે 60 દિવસ એડવાન્સમાં કરી શકાશે. આ સિવાય ટેમ્પરરી રજિસ્ટ્રેશનની સમય સીમા પણ 1 મહિનાથી લઈને 6 મહિના કરી દેવામાં આવી છે.
ડ્રાઈવિંગ ટેસ્ટ માટે RTO જવાની જરૂર નહીં રહે
આ સાથે સરકારે લર્નિંગ લાયસન્સને માટેની પ્રક્રિયામાં પણ ફેરફાર કર્યા છે. જેના આધારે ડ્રાઈવિંગ ટેસ્ટને માટે તમારે આરટીઓ ઓફિસ જવાનું રહેશે નહીં. આ કામ ટ્યૂટોરિયલની મદદથી ઘરે બેઠા ઓનલાઈન કરી શકાય છે. આ પગલું કોરોના મહામારીના સમયમાં મોટી રાહત આપશે.
DL, RC ની સમયસીમા વધારાઈ છે
માર્ચના અંતમાં સડક અને પરિવહન મંત્રાલયે વધતા કોરોના સંકટને જોતા મોટર વ્હીકલ ડોક્યૂમેન્ટ જેવા કે ડ્રાઈવિંગ લાયસન્સ, રજિસ્ટ્રેશન સર્ટિફિકેટ, ફિટનેસ સર્ટિફિકેટ, પરિવહનની વૈધ્યતાને 30 જૂન 2021 સુધી વધારાઈ છે. મંત્રાલયના સર્ક્યુલર અનુસાર દેશમાં કોરોનાના ખરાબ સ્થિતિના કારણે આ ડોક્યુમેન્ટ્સ કે જે 1 ફએબ્રુઆરી 2020ના રોજ એક્સપાયર થયા હતા તેને 30 જૂન 2021 સુધી માન્ય ગણવામાં આવશે.