કામની વાત / ડ્રાઈવિંગ લાયસન્સના નિયમોમાં આવ્યા મોટા ફેરફાર, હવે આ લોકોને પણ જાહેર કરી શકાશે ડ્રાઈવિંગ લાયસન્સ

• ડ્રાઈવિંગ લાયસન્સના નિયમોમાં આવ્યા ફેરફાર
• હવે આ લોકોને પણ સરળતાથી મળશે ડ્રાઇવિંગ લાયસન્સ
• જાણો શું છે નવા નિયમો

હવે સામાન્ય તથા મધ્યમ કલર બ્લાઈન્ડ લોકો પણ ડ્રાઈવિંગ લાયસન્સ મેળવી શકશે. કેન્દ્રીય સડક પરિવહન અને રાજમાર્ગ મંત્રાલયે શુક્રવારે આ વિશે મોટર વાહન નિયમોમાં આવશ્યક સંશોધનને માટે સૂચના જાહેર કરી છે. જેમાં મંત્રાલયે કહ્યું કે દુનિયાના અન્ય ભાગમાં તેની મંજૂરી આપવામાં આવી છે.  

નવા સંશોધનને માટે જાહેર કરાઈ સૂચના
મંત્રાલયે નિવેદનમાં કહ્યું કે સડક પરિવહન અને રાજમાર્ગ મંત્રાલયે કેન્દ્રીય મોટર વાહન નિયમ 1989ના ફોર્મ 1 અને ફોર્મ1 એમાં સંશોધન માટે સૂચના બહાર પાડી છે. તેનાથી સામાન્ય અને મધ્યમ વર્ણાન્ધ નાગરિકને પણ ડ્રાઈવિંગ લાયસન્સ મળી શકશે.  

  
કલર બ્લાઈન્ડ લોકોને મળી શકશે લાયસન્સ
મંત્રાલયે કહ્યું કે દિવ્યાંગજન નાગરિકોને પરિવહન આધારિત સેવાઓ વિશેષ કરીને ડ્રાઈવિંગ લાયસન્સ મળી રહે તે મમાટે પગલા લેવાઈ રહ્યા છે. તેઓએ કહ્યું કે દિવ્યાંગજન નાગરિકોને ડ્રાઈવિંગ લાયસન્સને માટે સૂચના અપાઈ છે. હવે કલર બ્લાઈન્ડ લોકોને ડ્રાઈવિંગ લાયસન્સ માટે વિચાર કરાઈ રહ્યો છે.  
 
મંત્રાલયે આપી આ વાતની જાણકારી
મંત્રાલયે એ વાતની જાણકારી આપી હતી કે કલર બ્લાઈન્ડ નાગરિકોને ડ્રાઈવિંગ લાયસન્સ આપવામાં આવી રહ્યું નથી. આ માટે ડોક્ટર્સનો અભિપ્રાય લેવામાં આવ્યો, આ પછી ભલામણના આધારે સામાન્ય તથા મધ્યમ વર્ણાન્ધ લોકોને ડ્રાઈવિંગ લાયસન્સ જાહેર કરવાની અનુમતિ આપવામાં આવી રહી છે. ગંભીર રીતે વર્ણાન્ધ નાગરિકોને માટે ડ્રાઈવિંગ લાયસન્સ જાહેર કરાશે નહીં.