આજથી બદલાયા નિયમો / તમારું લાયસન્સ પણ કરવું પડશે અપડેટ, બૅંકોના પણ આ નિયમો જાણી લેજો

આ સાથે જ RBI એ પણ નવા નિયમો લાગૂ કર્યા છે. જેની અસર કરોડો ગ્રાહકો પર પડશે. પેટ્રોલ-ડીઝલની ઓનલાઇન ખરીદી પર મળનારુ કેશબેક હવે નહીં મળે અને અલગ-અલગ ઘણી વસ્તુઓ પર ઘટાડવામાં આવેલા જીએસટીના દર લાગુ કરવામાં આવ્યા છે. 

આજથી અમલમાં આવશે આ બદલાવ

એક ઓક્ટોબર એટલે કે આજથી ડ્રાઇવિંગ લાઇસન્સ બનાવવાના નિયમ બદલાયા છે. હવે આપે આપનું જુનુ લાઇસન્સ અપડેટ કરવું પડશે. આ પ્રક્રિયા પૂર્ણ રીતે ઓનલાઇન છે. આ નિયમ અનુસાર ડ્રાઇવિંગ લાઇસન્સ અને રજિસ્ટ્રેશન સર્ટિફિકેટ એક જ રંગમાં બની જશે. આ સાથે જ ડ્રાઇવિંગ લાઇસન્સ અને આરસીમાં માઇક્રોચિપ ઉપરાંત ક્યૂઆર કોડ પણ આપવામાં આવશે. 

સ્ટેટ બેન્ક ઓફ ઇન્ડિયાએ (SBI) આજથી મંથલી એવરેજ બેલેન્સને મેન્ટેન નહીં કરવા પર દંડમાં 80 ટકાનો ઘટાડો કર્યો છે. જો આપનું એકાઉન્ટ મેટ્રો સિટીમાં છે તો મંથલી એવરેજ બેલેન્સ (AMB) ઘટીને ત્રણ હજાર રૂપિયા થઇ જશે. જો મેટ્રોસિટી ખાતાધારક 3000 રૂપિયાનું બેલેન્સ નહીં રાખી શકતા, તો તેનું બેલેન્સ 75 ટકાથી ઓછુ થઇ જશે અને દંડ તરીકે 80 રૂપિયા સાથે GST આપવો પડશે. 

50થી 75 ટકા ઓછુ બેલેન્સ રાખનારને 12 રૂપિયા સાથે GST, 50 ટકાથી ઓછુ બેલેન્સ થવા પર 10 રૂપિયા અને જીએસટી આપવો પડશે. 

મેટ્રો સિટી ગ્રાહકોને SBI 10 ફ્રી ટ્રાન્ઝેક્શન અને અન્ય શહેરો માટે 12 ફ્રી ટ્રાન્ઝેક્શન એસબીઆઇ આપશે.

એસબીઆઇ ક્રેડિટ કાર્ડથી પેટ્રોલ-ડીઝલ ખરીદવા પર હવે તમને 0.75 ટકા કેશબેક નહીં મળે. એચપીસીએલ, બીપીસીએલ અને આઇઓસીએ કેશબેક સ્કીમને પાછા લેવાનો નિર્દેશ આપ્યો છે. 

જીએસટીના નવા દર લાગૂ થયા છે. 1000 રૂપિયા સુધીના ભાડાના રૂમ પર હવે ટેક્સ નહીં લાગે. ત્યારબાદ 7500 રૂપિયા સુધી ટેરિફ વાળા રૂમ માટે 12 ટકા જીએસટી લાગશે. 10થી 13 સીટો સુધી પેટ્રોલ-ડીઝલ વાહનો પર સેસને ઘટાડવામાં આવ્યો છે. 

જોકે, ઘણી વસ્તુઓ પર જીએસટી વધી જશે. રેલવે અને વેગન પર જીએસટીનો દર 5થી 12 ટકા થઇ જશે. કેફીન વાળા પેય પદાર્થો પર જીએસટી 28 ટકા થઇ જશે. તેની સાથે જ 12 ટકાનો એક્સ્ટ્રા સેસ પણ લાગશે. 

સરકારી કર્મચારીઓની પેન્શન પોલિસીમાં બદલાવ થયો છે. કોઇપણ કર્મચારીની સર્વિસને 7 વર્ષ પૂર્ણ થઇ ગયા છે અને તેનું મૃત્યુ થઇ જાય છે તો તેના પરિવારને વધેલા પેન્શેનનો લાભ મળશે.

આજથી કોર્પોરેટ ટેક્સમાં કરવામાં આવેલો ઘટાડો લાગૂ થશે, જેને સરકારે 30 ટકાનો ઘટાડો કરી 22 ટકા કર્યો છે. આજથી સેટ અપ મેન્યુફેક્ચરીંગ કંપનીઓની પાસે 15 ટકા ટેક્સ ભરવાનો વિકલ્પ રહેશે.