કોરોના વાયરસથી બચવા માટે સોશિયલ ડિસ્ટન્સિંગ સૌથી વધુ જરૂરી છે. લોકડાઉન દરમિયાન પબ્લિક ટ્રાન્સપોર્ટનો ઉપયોગ બહુ ખતરનાક સાબિત થઈ શકે છે. એવામાં એક ઈ-રિક્શા ચાલકે એવી રિક્શા ડિઝાઈન કરી છે જેમાં સોશિયલ ડિસ્ટન્સિંગના તમામ નિયમો ફોલો કરવામાં આવ્યાં છે. આ ડિઝાઈનને જોઈ મહિન્દ્રા ગ્રુપના ચેરમેન આનંદ મહિન્દ્રાએ પણ આ શખ્સના વખાણ કર્યા છે.
કોરોનાએ મચાવ્યો હાહાકાર
સોશિયલ ડિસ્ટન્સિંગ જાળવવા આ રિક્શા ચાલકે ડિઝાઈન કરી રિક્શા
મહિન્દ્રા ગ્રુપના ચેરમેન આનંદ મહિન્દ્રાએ પણ આ શખ્સના વખાણ કર્યા
આ ઈ-રિક્શાની ડિઝાઈન સોશિયલ ડિસ્ટન્સિંગનું ધ્યાન રાખવીને બનાવવામાં આવી છે. રિક્શાનો વીડિયો આનંદ મહિન્દ્રાએ તેના ટ્વિટર એકાઉન્ટ પર શેર કર્યો છે. રિક્શા ચાલક પશ્ચિમ બંગાળનો લાગી રહ્યો છે. આ રિક્શા ચાલકે રિક્શા એ રીતે ડિઝાઈન કરી છે કે, કોઈપણ સવારી એકબીજાને ટચ કરી શકશે નહીં. રિક્શામાં ચાલક સહિત 5 લોકો આરામથી બેસી શકે છે. દરેક સવારીને બેસવા માટે અલગ સેક્શન તૈયાર કરવામાં આવ્યો છે. જુઓ વીડિયો.
The capabilities of our people to rapidly innovate & adapt to new circumstances never ceases to amaze me. @rajesh664 we need to get him as an advisor to our R&D & product development teams! pic.twitter.com/ssFZUyvMr9
આનંદ મહિન્દ્રાએ આ શોધના વખાણ કર્યાં અને સાથે જ આ શખ્સને જોબ પણ ઓફર કરી દીધી છે. તેમણે કંપનીના એક્ઝિક્યુટિવ ડિરેક્ટર (ઓટો અને ફાર્મ સેક્ટર) રાજેશ જેજુરીકરને રિસર્ચ એન્ડ ડેવલપમેન્ટ ટીમમાં સલાહકાર તરીકે આ ડ્રાઇવરની નિમણૂક કરવાની સલાહ આપી છે. તેમણે પોતાના ટ્વીટમાં કહ્યું, 'આપણા દેશના લોકોમાં ઝડપથી નવી શોધ કરવાની અને નવા સંજોગોમાં વણાય જવાની ક્ષમતા જોઈને મને હંમેશાં આશ્ચર્ય થાય છે.'