બોલિવુડ / Drishyam 2ને સોશિયલ મીડિયા પર મળી રહ્યો છે જોરદાર પ્રતિસાદ, પ્રથમ દિવસે જ કરશે આટલા કરોડનો બિઝનેસ

• સોશિયલ મીડિયા પર ફિલ્મને 5 માંથી 4.4 અથવા 5 રેટિંગ આપ્યા
• દ્રશ્યમ 2 18 નવેમ્બરે સિનેમાઘરોમાં રિલીઝ થઈ રહી
• આ ફિલ્મ દ્વારા તાનાજીનો રેકોર્ડ તોડવા જઈ રહી છે

અજય દેગવાન, શ્રિયા સરન, તબ્બુ, અક્ષય ખન્ના અને ઈશિતા દત્તા સ્ટારર ફિલ્મ દ્રશ્યમ 2 18 નવેમ્બરે સિનેમાઘરોમાં રિલીઝ થઈ રહી છે. ફિલ્મનો પહેલો ભાગ બ્લોકબસ્ટર હિટ રહ્યો હતો અને તેથી જ ચાહકો તેના ભાગ-2ની આતુરતાથી રાહ જોઈ રહ્યા છે. પરંતુ શું અજય દેવગનની આ ફિલ્મ દર્શકોની અપેક્ષાઓ પર ખરી ઉતરશે? આ સવાલ અજય દેવગનના દરેક ફેન્સ એકબીજાને પૂછી રહ્યા છે.

સોશિયલ મીડિયા પર કેવો પ્રતિસાદ છે?
તો ચાલો આ પ્રશ્નનો જવાબ શોધવાનો પ્રયાસ કરીએ. અજય દેવગનની ફિલ્મનું સ્પેશિયલ સ્ક્રીનિંગ થઈ ચૂક્યું છે. રસપ્રદ વાત એ છે કે પ્રથમ સ્ક્રિનિંગમાં પણ ફિલ્મને એવો જ રિસ્પોન્સ મળ્યો જેટલો ટ્રેલર રિલીઝ થયા પછી મળ્યો હતો. લોકોને ફિલ્મ પસંદ પડી હતી. તો ચાલો જાણીએ કે સોશ્યિલ મીડિયા પર ફિલ્મ જોયા પછી આવેલા લોકોની પ્રતિક્રિયા કેવી છે?

ફિલ્મનું પ્રથમ દિવસનું કલેક્શન કેટલું હશે?
સોશિયલ મીડિયા પર મોટાભાગના લોકોએ ફિલ્મને 5માંથી 4.5 અથવા 5 રેટિંગ આપ્યું છે. એક યુઝરે લખ્યું કે હાલની સ્થિતિ પ્રમાણે ફિલ્મ ઓપનિંગ ડે પર 15 કરોડનો બિઝનેસ કરશે. એડવાન્સ બુકિંગના આધારે જાણકારોનું કહેવું છે કે 20થી 30 હજાર ટિકિટનું વેચાણ થઈ ચૂક્યું છે. એક રિપોર્ટ અનુસાર અજય દેવગન આ ફિલ્મ દ્વારા તાનાજીનો રેકોર્ડ તોડવા જઈ રહી છે.