એવુ લાગી રહ્યું છે કે દ્રશ્યમ 2 સુપરહિટ થવાના માર્ગે છે. પહેલા આશા સેવાતી હતી કે ફિલ્મ 12 કરોડની આજુબાજુનો ઓપનિંગ બિઝનેસ કરશે. પરંતુ આ બધા અનુમાનોથી ઉપર સારું કલેક્શન થયુ છે.
દ્રશ્યમ 2ની બીજા દિવસની રેકોર્ડતોડ કમાણી
બોક્સ ઑફિસ પર મચાવી ધૂમ
ફિલ્મે શનિવારે 20.75 થી 22.75 કરોડની વચ્ચે કલેક્શન કર્યુ
દ્રશ્યમ 2એ પહેલા દિવસે 15.38 કરોડ રૂપિયાનુ કલેક્શન કર્યુ
દ્રશ્યમ 2 સિલ્વર સ્ક્રીન પર એન્ટ્રી આપી ચૂકી છે. અભિષેક પાઠક દ્વારા નિર્દેશિત અજય દેવગણની આ ફિલ્મ બૉક્સ ઓફિસ પર ધૂમ મચાવી રહી છે. દ્રશ્યમ 2માં અજય દેવગણ, અક્ષય ખન્ના, તબ્બૂ અને શ્રિયા સરન મુખ્ય ભૂમિકાઓમાં છે. ફિલ્મ શુક્રવારે રીલીઝ થઇ અને ફિલ્મને પ્રશંસકો તરફથી આશ્ચર્યજનક પ્રતિક્રિયાઓ મળી. એવુ લાગી રહ્યું છે કે દ્રશ્યમ 2 સુપરહિટ થવાના માર્ગે છે. દ્રશ્યમ 2એ પહેલા દિવસે 15.38 કરોડ રૂપિયાનુ કલેક્શન કર્યુ. દ્રશ્યમ 2એ પોતાના કલેક્શનથી અત્યાર સુધી કાર્તિક આર્યનની ભૂલ ભુલૈયા 2 અને આલિયા ભટ્ટની ગંગુબાઈ કાઠિયાવાડીને પણ પાછળ છોડી દીધી છે.
દ્રશ્યમ 2ની બીજા દિવસે બમ્પર કમાણી
બૉક્સ ઑફિસ પર દ્રશ્યમ 2એ બીજા દિવસે પણ સારી કમાણી કરી છે. રિપોર્ટ મુજબ ફિલ્મે શનિવારે 20.75 થી 22.75 કરોડની વચ્ચે કલેક્શન કર્યુ છે. આ રીતે ફિલ્મનુ બે દિવસનુ કલેક્શન લગભગ 36.50 કરોડનુ થયુ છે. વીકેન્ડમાં આશા સેવાઈ રહી છે કે ફિલ્મ નિશ્ચિત 50 કરોડથી વધુનો બિઝનેસ કરશે. દર્શકો માટે ખુશખબર છે કે હવે મોડી રાતના શો ફરીથી શરૂ કરી દીધા છે. જેની અસર કમાણીમાં સ્પષ્ટ રીતે જોવા મળી રહી છે.
નિર્માતા કુમાર મંગતના પુત્ર અભિષેક પાઠકે દ્રશ્યમ 2નુ નિર્દેશન કર્યુ છે. ફિલ્મને લઇને ફિલ્મના નિર્દેશક અભિષેક પાઠકના ખૂબ વખાણ થઇ રહ્યાં છે. મૂળ મલયાલમમાં બનેલી બંને ફિલ્મો સફળ રહી છે. હિન્દીમાં પણ દ્રશ્યમ હિટ રહી છે અને હવે દ્રશ્યમ 2 પણ તેના માર્ગે છે.