જળસંકટ / ગુજરાતના આ ગામમાં 700 લોકોની વસ્તીમાં માત્ર બે હેડપંપ, તંત્રની નિષ્ફળતા?

છોટાઉદેપુર જિલ્લાના બોડેલી તાલુકાના ભદ્રાલી ગામમાં પીવા માટે પૂરતું પાણી મળતું નથી. ગામમાં માત્ર બે જ હેડ પંપ ચાલે છે. અહીં પીવાના પાણી માટેની બીજી કોઈ વૈકલ્પિક વ્યવસ્થા નથી. ગામની મહિલાઓ એક બેડું પાણી ભરવા માટે કલાકોથી હેડ પમ્પ ઉપર લાઈન લાગે છે.

બોડેલી તાલુકાના ભદ્રાલી ગામમાં પીવાના પાણી માટે ભારે મુશ્કેલી છે. ગામની 700 જેટલી વસ્તી છે ગામમાં બે બોર છે તે પણ પૂરતું પાણી આવતું નથી અને બીજા બગડી ગયેલ છે. આ વિસ્તારમાં ગામમાં લગ્ન હોય તો ટેન્કરથી પાણી લાવવાની ફરજ બને છે. વિસ્તારના લોકો માટે પીવાના પાણીની સમસ્યાનો આ હલ નથી ગામના લોકોનું કહેવું છે કે ગામની મહિલાઓ બીજું કઈ પણ કામ કરી શકતી નથી. મજૂરી કરતાં લોકોને પણ પાણીની લાઈનમાં કલાકો સુધી ઉભા રહેવું પડે છે. રોજિંદાં જીવન ઉપર તેની ખુબ અસર પડે છે. 

ગામડાઓમાં પીવાનું પાણી પૂરું પાડવામાં વહીવટી તંત્ર નિષ્ફળ
ગામમાં રોજ સવારથી મહિલાઓ કામકાજ છોડીને હેડ પમ્પ ઉપર લાઈનમાં ઉભી રહી જાય છે. વર્ષોથી આવી તકલીફ હોવા છતાં વહીવટી તંત્ર દ્વારા કોઈ કાર્યવાહી કરવામાં આવી નથી. સરકાર ગુજરાતના દરેક ખૂણામાં પાણી પહોચાડ્યું હોવાના દાવા કરે છે. પરંતુ છોટાઉદેપુર જિલ્લાના ગામડાઓમાં પીવાનું પાણી પૂરું પાડવામાં નિષ્ફળ રહી છે. મહિલાઓની  કલાકોની મહામહેનત બાદ મંદ એકાદ બેડું પાણી લઈને ગામની મહિલાઓ પાણી ઘરે જાય છે.

આ વિસ્તારમાં પીવાના પાણીની સમસ્યા આજની નથી પણ વર્ષોથી આ વિસ્તારના પીવાના પાણી માટે મુશ્કેલી વેઠી રહ્યા છે. ગામથી ત્રણ કિમી નજીકથી જ નર્મદાની મુખ્ય કેનાલ પસાર થાય છે. તંત્ર છે કે આ લોકોની સમસ્યાના નિરાકરણ માટે કોઈ વ્યવસ્થા કરી આપતી નથી. ચૂંટણી સમયે નેતાઓ મત લેવા આવે છે, ત્યારબાદ તેઓ ફરકતા પણ નથી તેવો ગ્રામજનો આક્ષેપ લગાવી રહ્યા છે.