તમારા કામનું / જમ્યા પછી મોટા ભાગના લોકો કરે છે આ ભૂલ, વધી જશે સુગર-ગેસની સમસ્યા

• ભોજન લીધાનાં તરત બાદ ન પીવું જોઈએ પાણી 
• સ્વાસ્થ્ય માટે નુકસાનકારક સાબિત થઇ શકે છે 
• વજન વધવાની પણ છે સંભાવના 

ભોજન લીધાનાં તરત બાદ ન પીવું જોઈએ પાણી 

પાણી આપણા સ્વાસ્થ્ય માટે અત્યંત જરૂરી છે. આ જ કારણ છે કે હેલ્થ એક્સપર્ટસ દ્વારા દરરોજ 3-4 લીટર પાણી પીવાની સલાહ આપવામાં આવે છે. ડોક્ટર્સ અનુસાર, જમતી વખતે પાણી પીવાથી બચવું જોઈએ, ભોજન કરતા સમયે કે ભોજન કર્યાનાં તરત જ બાદ પાણી પીવાથી એસિડીટી, બ્લોટિંગ વગેરે જેવી સમસ્યાઓ થઇ શકે છે. જે લોકો જમ્યા બાદ તરત જ પાણી પીવે છે, તેમને સ્વાસ્થ્ય સંબંધિત ઘણી સમસ્યાઓનો સામનો કરવો પડે છે. 

ભોજન કર્યા બાદ કેટલા સમયે પીવું જોઈએ પાણી?
હેલ્થ એક્સપર્ટસનું માનવું છે કે ખોરાક પચાવવામાં લગભગ 2 કલાક લાગે છે, આ દરમિયાન પાણીની અસર ડાઈજેશન પર પડે છે. એટલા માટે ભોજન કર્યાનાં લગભગ 45-60 મિનિટનાં ગાળા બાદ પાણી પીવું જોઈએ. એ વાતનું પણ ધ્યાન રાખવું જોઈએ કે જમ્યાનાં અડધા કલાક પહેલા પાણી પીવું જોઈએ. 

​​​​​​​

યોગ્ય સમયે પાણી પીવાના ફાયદાઓ 

• ભોજન લીધાનાં એક કલાક બાદ પાણી પીવાથી વજન કંટ્રોલમાં રહે છે. 
• યોગ્ય સમયે પાણી પીવાથી પાચનતંત્ર પણ મજબૂત બને છે. 
• પેટમાં ગેસ કે એસિડીટીની સમસ્યાથી છૂટકારો મળે છે. 
• શરીર ભોજનમાં હાજર રહેલા તત્વોને સારી રીતે શોષી લે છે. 
• યોગ્ય સમય પર પાણી પીવું એ સારી ઊંઘ લાવવામાં પણ મદદ  કરે છે. 

ભોજન લીધાનાં તરત જ બાદ પાણી પીવાના નુકસાન 

• વજન વધવાની સમસ્યા 
• પાચનની સમસ્યા 
• બ્લડ શુગર લેવલ વધવાની સમસ્યા 
• પેટમાં ગેસની સમસ્યા