હેલ્થ કેર / દરરોજ સવારે સવારે ખાલી પેટે પીવો હળદરનું પાણી, વાત, પિત્ત અને કફમાંથી મળશે રાહત

આયુર્વેદમાં હળદરને શ્રેષ્ઠ કુદરતી એન્ટિબાયોટિક પણ માનવામાં આવે છે. તેમાં એન્ટિવાયરલ, એન્ટિબેક્ટેરિયલ અને એન્ટિફંગલ ગુણો જોવા મળે છે. તમે જોયું જ હશે કે કેટલાક લોકો પોતાના દિવસની શરૂઆત ખાલી પેટે એક ગ્લાસ પાણીમાં હળદર ભેળવીને કરે છે. તમે જાણો છો કે તેના જબરદસ્ત ફાયદા છે. હળદર એ ભારતીય ખોરાકમાં એક મહત્વપૂર્ણ મસાલો છે. હળદર દરેકના ઘરમાં સરળતાથી મળી રહે છે. આયુર્વેદમાં પણ હળદરના ગુણોનો ઉલ્લેખ કરવામાં આવ્યો છે. સૌંદર્યથી લઈને રોગપ્રતિકારક શક્તિ વધારવા સુધી, હળદર ઘણા ચમત્કારી ફાયદા આપે છે. હળદરમાં એન્ટિસેપ્ટિક ગુણ હોય છે જેના કારણે તેનો ઉપયોગ દવા તરીકે પણ થાય છે. સવારે ખાલી પેટ હળદરનું પાણી પીવાથી ઘણા સ્વાસ્થ્ય લાભ મળે છે. હળદરનું પાણી પીવાથી સ્થૂળતા ઓછી થાય છે અને બેક્ટેરિયલ ઇન્ફેક્શન સામે લડવા માટે શરીર તૈયાર થાય છે. જાણો ખાલી પેટ હળદરનું પાણી પીવાથી શું ફાયદા થાય છે?

હળદરનું પાણી કેવી રીતે બનાવશો?

હળદરનું પાણી તૈયાર કરવા માટે તમે તાજી હળદરનો પણ ઉપયોગ કરી શકો છો. આ માટે હળદરનો ટુકડો લો તેને પાણીમાં નાખીને આખી રાત પલાળી દો. સવારે આ પાણી પીવો. જો તમે ઈચ્છો તો 1 ગ્લાસ પાણીમાં 1/2 ચમચી હળદર નાખીને આખી રાત રહેવા દો અને સવારે હૂંફાળું પી લો. સવારે ખાલી પેટ હળદરનું પાણી પીવાથી તમને વધુ ફાયદા થાય છે.

હળદરનું પાણી પીવાથી લાભ થશે

ઝડપથી વજન ઘટાડવું

ખાલી પેટ હળદરનું પાણી પીવાથી સ્થૂળતા ઓછી થાય છે. વજન ઓછું કરવા માંગતા લોકો માટે હળદરનું પાણી ખૂબ જ ફાયદાકારક સાબિત થઈ શકે છે. જો તમે ઈચ્છો તો હળદરની સાથે પાણીમાં થોડો આદુનો રસ પણ ઉમેરી શકો છો. તેને ચાની જેમ ગરમ કરીને પીવું પડે છે. હળદરનું પાણી હૃદય માટે પણ ફાયદાકારક સાબિત થાય છે.

સાંધાના દુખાવાની સમસ્યાને ઓછી કરી શકાય

હળદરમાં બળતરા વિરોધી ગુણો જોવા મળે છે જે સંધિવા અને ઓસ્ટિઓઆર્થરાઈટીસના દર્દીઓ માટે ફાયદાકારક છે. હળદરનું પાણી પીવાથી સાંધાના દુખાવાની સમસ્યાને ઓછી કરી શકાય છે. તેમાં એન્ટીઓક્સીડેન્ટ હોય છે જે શરીરના કોષોને ફ્રી રેડિકલ્સથી થતા નુકસાનથી બચાવે છે. હળદરનું પાણી પણ સોજો ઓછો કરે છે.

વધુ વાંચો : કલાકો સુધી કામ કરનારાઓ માટે કૉફી છે ફાયદાકારક, ઘટી જાય છે મોતનું જોખમ!

પાચનશક્તિ થશે મજબુત

હળદરનું પાણી પીવાથી પાચન સંબંધી સમસ્યાઓ દૂર થઈ શકે છે. હળદરમાં રહેલા કર્ક્યુમિન સંયોજનો પિત્તાશયમાંથી પિત્તને મુક્ત કરવામાં મદદ કરે છે અને પાચનમાં મદદ કરે છે. હળદરનું પાણી પીવાથી લીવર ડિટોક્સ થાય છે. તેનાથી ગેસ અને પેટ ફૂલવાની સમસ્યા ઓછી થાય છે.