બજારમાં મળતી મોટાભાગની વસ્તુઓમાં હાનિકારક કેમિકલ્સ રહેલાં હોય છે. જેથી તેને ખાવાથી સ્વાસ્થ્ય પર ખરાબ અસર થાય છે. એવી જ રીતે બજારમાં વેચાતાં પેકેજ્ડ ફ્રૂટ જ્યૂસમાં શુગર અને પ્રિઝર્વેટિવ્સની માત્રા બહુ વધારે હોય છે અને સાથે જ તેમાં પોષક તત્વોની પણ કમી હોય છે. જેથી પેરેન્ટ્સે બાળકોને ફ્રૂટ જ્યૂસ ન આપવા જોઈએ. ફ્રૂટ જ્યૂસમાં કેડમિયમ, ઈનઓર્ગેનિક આર્સેનિક અને મર્કરી કે લેડ જેવા તત્વો પણ જોવા મળે છે.
બાળકો માટે હાનિકારક છે પેકેજ્ડ જ્યૂસ
બ્રેનને પહોંચાડે છે નુકસાન
મોટાઓએ પણ તેનાથી રહેવું દૂર
રેડીમેટ જ્યૂસ પીવા નહીં
પેકેજ્ડ જ્યૂસમાં મેટલનું સ્તર ઘણું વધારે હોય છે. જેની થોડી પણ માત્રા એટલે કે અડધો કપ પણ બાળક પીવે તો તેના માટે ઘણું જ ખતરનાક સાબિત થઈ શકે છે. જેથી બાળકો હોય કે યુવાન આવા રેડીમેડ જ્યૂસ પીવાનું બંધ કરી દેવું જોઈએ કારણે કે તે સ્વાસ્થ્ય માટે બહુ જ ખરાબ હોય છે.
બાળકોના બ્રેન નુકસાન પહોંચાડે છે
આવા ફૂડ્સ અને ડ્રિંક્સમાંથી કેમિકલ્સને પૂર્ણ રીતે કાઢી નાખવું અશક્ય છે. ઝેરી પદાર્થ ફૂડ આઈટમ્સ સુધી પાણી, હવા અથવા માટીના માધ્યમથી પહોંચે છે. આ સિવાય જાણતા-અજાણતા મેન્યુફેક્ચરિંગ પ્લાન્ટ્સ અથવા પ્રોડક્ટ પેકેજિંગ સમયે તેમાં પણ ટોક્સિન્સ આવી જાય છે. કેટલાક જ્યૂસ તો એવા છે જેમાં માત્ર એક મેટલ જ ચિંતાનો વિષય નથી પણ અન્ય મેટલ પણ તેમાં હોવાથી તે બાળકોની હેલ્થ માટે ખતરનાક છે. આ મેટલ બાળકોના ડેવલપિંગ બ્રેન અને નર્વસ સિસ્ટમને નુકસાન પહોંચાડે છે.
મોટાઓ માટે પણ ખતરનાક
ઓર્ગેનિક જ્યૂસ અથવા માર્કેટમાં ખાસ કરીને બાળકો માટે મળતાં જ્યૂસ પણ બાળકો માટે સારાં હોય એવું જરૂરી નથી. કોઈપણ જ્યૂસ તે ગમે તે બ્રાન્ડનો હોય એક બીજાની તુલનામાં ઓછાં ખતરનાક નથી. બધાં સમાન રીતે નુકસાનકારક છે. આખા દિવસમાં અડધો કપ પણ આવું જ્યૂસ પીવાથી બાળકોથી લઈ મોટાઓ માટે પણ તે ખતરનાક સાબિત થઈ શકે છે.