રશિયા અને યુકે જેવા દેશોમાં કોરોના વેક્સિન અપાવાની શરૂઆત થઇ ગઇ છે, તો લોકોને તેની આડઅસર ન થાય તેનું પણ ખૂબ ધ્યાન રાખવામાં આવી રહ્યું છે. રશિયાના ઉપપ-પ્રધાનમંત્રી તાત્યાના ગોલીકોવાએ નાગરિકોને ચેતવણી આપી છે અને કહ્યું છે કે, કોવિડ-19ની રસી લીધા બાદ દારૂ પીવાથી બચો. રશિયામાં Sputnik Vની રસીના અભિયાનમાં કોઇ વ્યક્તિને 2 ઇન્જેક્શન આપવામાં 42 દિવસનો સમય લાગે છે. આ 42 દિવસની અંદર દારૂ ન પીવાની સલાહ આપી છે.
કોરોના વેક્સિનને લઇને મોટા સમાચાર
વેક્સિન લીધા બાદ દારૂ ન પીવો
રશિયામાં આપી વેક્સિનને લઇને ચેતવણી
સલાહને લઇને કન્ફ્યૂઝન
જ્યારથી આ સલાહ આપવામાં આવી ત્યારથી લોકો પણ અચંબિત થઇ ગયા છે અને બીજી તરફ વેક્સિનના ડેવલોપરે કહ્યું કે રસી લીધા બાદ એક ગ્લાસ શેમ્પેઇન પીવાથી કોઇ આડઅસર થતી નથી. આ બંને નિવેદન વચ્ચે રશિયાના લોકો ફસાયા છે અને શું કરવું તેની સમજ ગુમાવી ચૂક્યા છે. દારૂ પીવો કે ન પીવો તેને લઇને ખૂબ અટકળો લગાવવામાં આવી રહી છે.
દરેક વેક્સિન માટે સરખી ચેતવણી?
વેક્સિનના ડેવલોપરે સ્પષ્ટતા આપી કે વેક્સિન લીધાના ત્રણ દિવસ પહેલા અને ત્રણ દિવસ બાદ દારૂના સેવનથી બચવું જોઇએ, સાથે જ તેમણે કહ્યું કે આ કોમન સેન્સની વાત છે કે દુનિયાભરમાં બની રહેલી કોરોના વેક્સિન લીધા બાદ દારૂનું સેવન ન કરવું જોઇએ.
શું કહે છે રિસર્ચ
દારૂ પીવાથી ઇમ્યૂનીટિ સિસ્ટમ પર અસર થાય છે અને જ્યારે આ શોધ થઇ ત્યારે સામે આવ્યું કે જે લોકો વધારે દારૂ પીવે છે તેમને સંક્રમણનો ખતરો વધારે છે. 2012માં થયેલ એક સ્ટડીના હિસાબે તેવું સામે આવ્યું હતું કે જે લોકો દારૂનું સેવન કરે છે તેવા લોકોની ઇમ્યુનીટિ વધુ નથી હોતી.
રશિયામાં ચેતવણી બાદ ખળભળાટ
આ વેક્સિન આપવાની શરૂઆત કરી ત્યારે સ્ટડીમાં સામે આવ્યું હતું કે એક રશિયન વ્યક્તિ વર્ષમાં 15 લીટરથી વધારે દારૂ પી જાય છે. જો આ પ્રકારે દારૂનુ સેવન થાય તો આ રસીની અસર ન થાય માટે આ પ્રકારની ચેતવણી આપવામાં આવી હતી.