ટ્રેક્ટરના સ્પેરપાર્ટ્સની આડમાં લઇ જવાતુ હતું રક્તચંદન
કચ્છના સરહદી વિસ્તારોમાં ઘૂસણખોરી અને દાણચોરીના બનાવો સામે આવે છે ત્યારે મુંદ્રા પોર્ટ પરથી ફરીથી એકવાર રક્તચંદન ઝડપાયું. 5 કરોડથી વધુનો ચંદનનો જથ્થો ઝડપાયો. DRIએ સૌરાષ્ટ્ર CFS કન્ટેરની તપાસ કરતા 11 ટનથી લધુનો જથ્થો મળી આવ્યો હતો. રક્તચંદનનો આ જથ્થો નોઇડાથી રેલવે માર્ગથી મુંદ્રા લાવવામાં આવી રહ્યો હતો.
અંદાજિત 5 કરોડનું રક્તચંદન ઝડપાયું
ડિરેક્ટરોટ ઓફ રેવન્યુ ઈન્ટેલીજન્સ દ્વારા બુધવાર સાંજે મુંદ્રાથી મલેશિયા જતા કન્ટેનરમાં તપાસ કરવામાં આવી હતી. જેમાં ટ્રેક્ટરના સ્પેરપાર્ટ્સ મોકલાઇ રહ્યા છે તેમ કહેવામાં આવ્યુ હતું જો કે શંકા જતા કન્ટેનર ખોલીને ડીઆરઆઇની ટીમ દ્વારા તપાસ કરવામાં આવી તો તેમા ટ્રેક્ટરના સ્પેરપાર્ટ્સની આડમાં રક્તચંદન લઇ જઇ રહ્યા હોવાનુ ખુલ્યુ હતું.DRIએ સૌરાષ્ટ્ર CFS કન્ટેરની તપાસ કરતા જથ્થો ઝડપાયો હતો.
મલેશિયા લઇ જવાતો હતો જથ્થો
ડીઆરઆઈ દ્વારા જપ્ત કરાયેલ રક્ત ચંદનનું વજન કરતા તે 11.7 ટન જેટલો જથ્થો હોવાનું સામે આવ્યું હતું . જેની કિંમત આંતરરાષ્ટ્રીય બજાર કિંમતો અનુસાર 5.85 કરોડ જેટલી થાય છે. મળતી માહિતી મુજબ આ જથ્થો નોઇડાથી આવ્યો હતો અને મુંદ્રાથી મલેશિયા એક્સપોર્ટ થવાનો હતો. જો કે DRIની સતર્કતાથી પોલ ખૂલી ગઇ. પરંતુ કોના દ્રારા અને કોના ઇશારે રક્ત ચંદનનો જથ્થો મોકલવામાં આવતો હતો તે બાબતે વધુ તપાસ હાથ ધરી હતી.